Мэцью Джылкс

З Вікіпедыі, свабоднай энцыклапедыі
Футбол
Мэцью Джылкс
Агульная інфармацыя
Нарадзіўся 4 чэрвеня 1982(1982-06-04)[1][2] (41 год)
Грамадзянства  Шатландыя
 Англія
Рост 185 см
Вага 84 кг
Пазіцыя брамнік
Інфармацыя пра клуб
Клуб Англія Болтан Уондэрэрс
Пасада трэнер брамнікаў
Маладзёжныя клубы
1995—2000 Англія Рочдэйл
Клубная кар’ера[* 1]
2000—2007 Англія Рочдэйл 176 (-?)
2007—2008 Англія Норвіч Сіці 0 (0)
2008—2014 Англія Блэкпул 182 (-257)
2008 →  Англія Шрусберы Таўн 4 (-2)
2014—2016 Англія Бернлі 0 (0)
2016—2017 Шатландыя Рэйнджэрс 0 (0)
2017 Англія Уіган Атлетык 14 (-15)
2017—2019 Англія Скантарп Юнайтэд 42 (-42)
2019 Англія Лінкальн Сіці 12 (-6)
2019—2020 Англія Флітвуд Таўн 5 (-7)
2020—2022 Англія Болтан Уондэрэрс 36 (-36)
Нацыянальная зборная[* 2]
2017— Шатландыя Шатландыя 3 (-2)
Трэнерская кар’ера
2020— Англія Болтан Уондэрэрс брамнікі
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 2 снежня 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 2 снежня 2022

Мэцью Джылкс (англ.: Matthew Gilks; нар. 4 чэрвеня 1982, Рочдэйл, Англія) — шатландскі футбаліст, брамнік. У цяперашні час працуе трэнерам брамнікаў у англійскім клубе «Болтан Уондэрэрс»

Клубная кар’ера[правіць | правіць зыходнік]

Першай камандай Мэцью быў клуб з ягонага роднага горада «Рочдэйл», дзе ён правёў сем сезонаў. Пасля гэтага кар’ера працягнулася ў «Норвіч Сіці», але там Джылкс уладкаваўся толькі на лаўцы запасных. У «Блэкпуле» выступаў з 2008 года, за гэты клуб Джылкс дэбютаваў 12 жніўня 2008 года ў матчы на Кубак футбольнай лігі, дзе ягоная каманда атрымала паражэнне з лікам 2:0 ад клуба «Маклсфілд Таўн»[3]. Разам з клубам браў удзел у матчах Прэм’ер-лігі сезона 2010/11. Нягледзячы на вылет «Блэкпула» з найвышэйшага англійскага дывізіёна па выніках сезона, Джылкс падпісаў новы двухгадовы кантракт з клубам у ліпені 2011 года[4].

У ліпені 2014 года Джылкс падпісаў двухгадовы кантракт з клубам «Бернлі», які выйшаў у Прэм’ер-лігу[5], аднак у камандзе заставаўся на лаўцы запасных, з’яўляўся на полі толькі ў двух матчах Кубка лігі. У чэрвені 2016 года перайшоў у шатландскі «Рэйнджэрс», дзе таксама быў рэзервовым брамнікам, а ў студзені 2017 года далучыўся да «Уіган Атлетык», дзе гуляў да канца сезона 2016/17.

У сезоне 2017/18 быў асноўнам брамнікам клуба «Скантарп Юнайтэд» у англійскай Лізе 1, але ў наступным сезоне перастаў з’яўляцца на полі, а ў студзені 2019 года ў якасці свабоднага агента стаў іграком «Лінкальн Сіці», якому дапамог перамагчы ў Лізе 2.

Сезон 2019/20 правёў у «Флітвуд Таўн», а ў жніўні 2020 года далучыўся да «Болтан Уондэрэрс» у якасці гуляючага трэнера брамнікаў. У студзені 2022 года завяршыў кар’еру іграка і сканцэнтраваўся на трэнерскай дзейнасці ў клубе.

Міжнародная кар’ера[правіць | правіць зыходнік]

Нягледзячы на тое, што Мэцью нарадзіўся ў Англіі, у жніўні 2010 года ён быў выкліканы ў нацыянальную зборную Шатландыі. Гэтае стала магчымым дзякуючы таму, што ягоная бабуля з’яўлялася шатландкай. 15 жніўня 2012 года Джылкс дэбютаваў у складзе зборнай Шатландыі, правёўшы тайм у таварыскім матчы супраць зборнай Аўстраліі[6].

Зноскі

  1. ↑ Matt Gilks // Transfermarkt — 2000. Праверана 9 кастрычніка 2017.
  2. ↑ Matthew Gilks // As — Madrid: Grupo Prisa, 1967. — ISSN 1888-6671
  3. ↑ Macclesfield 2–0 Blackpool. Soccerbase.
  4. ↑ Crainey, Gilks, Evatt & Eastham pen new Blackpool deals. BBC Sport
  5. ↑ Burnley snap up former Blackpool keeper Gilks. Burnley Express.
  6. ↑ BBC Sport - Scotland 3-1 Australia. BBC Online.

Спасылкі[правіць | правіць зыходнік]

Узята з "https://be.wikipedia.org/w/index.php?title=Мэцью_Джылкс&oldid=4288818"