Мядзвежыя астравы
| Мядзвежыя астравы | |
|---|---|
| руск. Медвежьи острова | |
 | |
| Характарыстыкі | |
| Колькасць астравоў | 6 |
| Найбуйнейшы востраў | Крастоўскі |
| Агульная плошча | каля 60 км² |
| Найвышэйшы пункт | 273 м |
| Насельніцтва |
|
| Размяшчэнне | |
| 70°40′ пн. ш. 162°43′ у. д.HGЯO | |
| Акваторыя | Усходне-Сібірскае мора |
| Краіна | |
 Медыяфайлы на Вікісховішчы | |
Мядзве́жыя астравы (руск.: Медвежьи острова) — архіпелаг з 6 астравоў у Паўночным Ледавітым акіяне, ва Усходне-Сібірскім моры. Уваходзяць у склад Якуціі (Расія).
Архіпелаг знаходзіцца ў напрамку на поўнач ад вусця ракі Калыма. У склад архіпелага ўваходзяць астравы Крастоўскі, Лявонцьева, Чатырохсталбавы, Пушкарова, Лысава, Андрэева. Агульная плошча каля 60 км². Вышыні да 273 м. Найвышэйшы пункт на востраве Крастоўскі. Астравы складзеныя з гранітаў і гліністых сланцаў.
На астравах пераважае арктычная тундравая расліннасць. Растуць імхі, ягель, жорсткія травы. У паўночна-ўсходняй частцы сустракаецца выкідны лес (плаўнік), які складаецца з піхты, лістоўніцы, таполі[1]. Жывёльны свет прадстаўлены дзікімі аленямі, мышамі і заходзячымі з мацерыка белымі мядзведзямі, ваўкамі, лісамі[1]. На архіпелагу знойдзены родавыя бярлогі белых мядзведзяў[2].
Гісторыя адкрыцця і даследавання
[правіць | правіць зыходнік]Астравы ўпершыню наведаў казак Якаў Пермякоў у 1710 годзе. У 1740 годзе Д. Я. Лапцеў дасягнуў Крастоўскага вострава і даў яму назву востраў святога Антонія. У 1769 годзе прапаршчыкі геадэзіі І. Лявонцьеў, І. Лысаў і А. Пушкароў зрабілі дастаткова дакладную карту астравоў[1]. У 1821 годзе астравы наведваў Ф. П. Урангель, а ў красавіку 1870 года экспедыцыя К. Ноймана (ням.: Karl Johann Heinrich Neumann)[1].
Зноскі
- ↑ а б в г Медвежьи острова // Острова мира(недаступная спасылка) (руск.)
- ↑ На архипелаге Медвежьи острова обнаружено девять родовых берлог // Всемирный фонд дикой природы (WWF) Архівавана 2 чэрвеня 2015. (руск.)
Літаратура
[правіць | правіць зыходнік]- Мядзведжыя астравы // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 64. — 10 000 экз. — ISBN 985-11-0035-8. — ISBN 985-11-0188-5 (т. 11).
Спасылкі
[правіць | правіць зыходнік]- Медвежьи острова // Острова мира(недаступная спасылка) (руск.)
