Людзвінавас

Мястэчка Людзвінавас літ.: Liudvinavas Герб Краіна Літва Павет Марыямпальскі Самакіраванне Марыямпальскае Сянюнія Людзвінаваская Каардынаты 54°29′00″ пн. ш. 23°21′10″ у. д. Вышыня цэнтра 87 м Насельніцтва 1 055 чал. (2001) Часавы пояс UTC+2, летам UTC+3 Людзвінавас на карце Літвы

Медыяфайлы на Вікісховішчы

Людзвіна́вас (літ.: Liudvinavas), традыцыйная беларуская назва — Людві́нава — мястэчка ў Марыямпальскім самакіраванні Марыямпальскага павета Літвы, на рацэ Шэшупа. Адміністрацыйны цэнтр Людзвінаваскага староства. Насельніцтва 1055 чал. (2001).

Знаходзіцца за 10 км на поўдзень Марыямпале. Згодна з сучаснай афіцыйнай літоўскай класіфікацыяй мястэчка належыць да этнаграфічнага рэгіёна Судовія.

Гісторыя

Гарадскі герб з каралеўскага прывілея (1792)

Першыя пісьмовыя згадкі пра паселішча датуюцца XVIII ст., уваходзіла ў склад Пунскага староства Ковенскага павета Вялікага Княства Літоўскага. У 1715 тут збудавалі драўляны касцёл.

У 1719 кароль і вялікі князь Аўгуст II надаў паселішчу Магдэбургскае права і статус мястэчка.

10 кастрычніка 1791 кароль і вялікі князь Станіслаў Аўгуст Панятоўскі надаў Людвінаву герб з выявай «Пагоні» і Генія, што трымае ў адной руцэ меч, а ў другой — шалі.

У выніку трэцяга падзелу Рэчы Паспалітай (1795) апынулася ў складзе Прусіі.

З 1918 у складзе Літвы.

Славутасці

• Касцёл Св. Людвіка (1918)

Вядомыя асобы

• Пятрас Вайціекунас (нар. 1953) — літоўскі палітык і дыпламат

Літаратура

• Людвінава // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — С. 318. — 696 с. — ISBN 978-985-11-0487-7 (т. 3), ISBN 985-11-0315-2.
• Людвиново // Людзвінавас // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• На Вікісховішчы ёсць медыяфайлы па тэме Людзвінавас