Мячэць Сунцзян
| Славутасць | |
| Мячэць Сунцзян | |
|---|---|
| кіт.: 松江清真寺 | |
 | |
| 31°00′29″ пн. ш. 121°13′21″ у. д.HGЯO | |
| Краіна |
 Кітай |
| Месцазнаходжанне | |
| Дата заснавання | 1391 |
 |
|
 Медыяфайлы на Вікісховішчы | |
Мячэць Сунцзян (кіт. спр. 松江清真寺, піньінь Sōngjiāng Qīngzhēnsì) — найстарэйшая мячэць у Шанхаі, КНР. Размешчана ў раёне Сунцзян[1].
Мячэць і мусульманская абшчына ў Сунцзяне былі заснаваны нашчадкамі Гао Кэгуна. Будаўніцтва мячэці пачалося ў 1364—1367 гады, пад канец існавання імперыі Юань. Затым яна была перабудавана ў 1391 годзе ў часы імперыі Мін. Будынак перанёс некалькі рэканструкцый у перыяд імперыі Цын.
Урад Шанхая ўнёс мячэць Сунцзян у спіс помнікаў культуры пад яго асаблівай абаронай 26 жніўня 1908 года. У 1985 годзе мячэць была старанна адрамантаваная ў занесеная ў спіс асноўных помнікаў культуры. У 1989 годзе мячэць была зноў адкрыта для публікі[2].
Тэрыторыя мячэці складае 4900 м². У архітэктуры будынкаў спалучаюцца традыцыйныя арабскія і кітайскія матывы. Мячэць глядзіць фасадам на поўнач і складаецца з галоўнай залы, малітоўнай нішы, калідора, дзвюх залаў для пропаведзяў і ваннага пакою. Ва ўсходняй частцы мячэці размешчана вежа, дзе мусульмане могуць узнесці малітву, выкананая ў арабскім стылі з папярочнымі грабянямі і купальнымі дахамі. Малітоўная зала размешчана насупраць вежы ў заходняй частцы мячэці. Яна падзелена на заднюю і пярэднюю, якія прадстаўляюць архітэктуру часоў імперый Юань і Мін адпаведна[1].
Зноскі
- ↑ а б Shanghai Songjiang Mosque (англ.). Muslim2China. Архівавана з першакрыніцы 28 студзеня 2015. Праверана 15 мая 2015.
- ↑ Songjiang Mosque (англ.)(недаступная спасылка). Ministry of Culture, P.R.China (24 верасня 2003). Архівавана з першакрыніцы 23 верасня 2015. Праверана 15 мая 2015.