Мігел Велозу

Мігел Велозу
Агульная інфармацыя
Поўнае імя	Мігел Луіш Пінту Велозу
Нарадзіўся	11 мая 1986(1986-05-11) (36 гадоў) Каімбра, акруга Каімбра[d], Партугалія
Грамадзянства	Партугалія
Рост	180 см
Вага	79 кг
Пазіцыя	апорны паўабаронца
Інфармацыя пра клуб
Клуб	Элас Верона
Нумар	4
Маладзёжныя клубы
2000—2005 Спортынг (Лісабон)
Клубная кар’ера
2005—2010 Спортынг (Лісабон) 98 (4) 2005—2006 →  Алівайш і Маскавіды 28 (7) 2010—2012 Джэноа 49 (2) 2012—2016 Дынама (Кіеў) 78 (6) 2016—2019 Джэноа 66 (1) 2019— Элас Верона
Нацыянальная зборная
2001—2002 Партугалія (да 16) 10 (0) 2002—2003 Партугалія (да 17) 25 (3) 2004 Партугалія (да 18) 5 (1) 2004—2005 Партугалія (да 19) 9 (2) 2006 Партугалія (да 20) 2 (1) 2006—2008 Партугалія (да 21) 18 (5) 2007—2015 Партугалія 57 (3)
Узнагароды і медалі
Чэмпіянаты Еўропы Бронза Польшча/Украіна 2012
Медыяфайлы на Вікісховішчы

Міге́л Луі́ш Пі́нту Вело́зу (парт.: Miguel Luís Pinto Veloso; нар. 11 мая 1986, Каімбра, Партугалія) — партугальскі футбаліст, апорны паўабаронца італьянскага клуба «Элас Верона» і былы ігрок нацыянальнай зборнай Партугаліі.

Кар’ера

«Спортынг»

Велозу паспрабаваў пачаць сваю футбольную кар’еру ў «Бенфіцы», дзе яго бацька Антоніа Велозу быў капітанам і гуляў на пазіцыі абаронцы на працягу многіх гадоў, але не быў прыняты ў каманду з-за залішняй вагі. Пазней ён быў прыняты ў склад галоўных супернікаў «Бенфікі» — «Спортынг», дзе гуляў на працягу пяці гадоў, і ў сезоне 2004/05 яго ўзялі ў галоўную каманду. Сваю футбольную кар’еру Велозу пачынаў на пазіцыі цэнтральнага абаронцы.

Для атрымання вопыту і навыкаў у 2005 годзе Мігел быў адпраўлены ў арэнду ў «Алівайш і Маскавіды». У выніку добрай гульні, паказанай у клубе другога дывізіёна, Велозу вярнуўся назад у «Спортынг». Дэбют Велозу за «Спортынг» адбыўся ў матчы Лізе чэмпіёнаў супраць «Інтэра». «Спортынг» перамог з лікам 1:0, а Мігел быў прызнаны найлепшым іграком матча. Велозу стаў праходзіць у асноўны склад каманды, вытрымліваючы канкурэнцыю з больш дасведчанымі ігракамі, як Тонел, Андэрсан Полга, Куштодыу, Марка Канейра.

У студзені 2007 года Велозу падоўжыў кантракт са «Спортынгам» да 2013 года.

«Джэноа» і «Дынама»

30 ліпеня 2010 года Мігел перайшоў у італьянскі клуб «Джэноа».

4 ліпеня 2012 года Мігел перайшоў у склад украінскага клуба «Дынама», падпісаўшы з камандай чатырохгадовы кантракт. У ліпені 2016 года вярнуўся ў «Джэноа». Пакінуў генуэзскую каманду па заканчэнні сезона 2017/18, аднак у кастрычніку 2018 года падпісаў новы кантракт з клубам.

У ліпені 2019 года ў якасці свабоднага агента далучыўся да клуба «Элас Верона».

Міжнародная кар’ера

Пасля добрага выступу Велозу на чэмпіянаце Еўропы сярод моладзевых каманд у 2007 годзе, трэнер зборнай Партугаліі Луіс Феліпэ Скалары выклікаў Мігела ў асноўную каманду. Дэбют Велозу за зборную Партугаліі адбыўся 13 кастрычніка 2007 года ў матчы супраць зборнай Азербайджана.

Першы гол за нацыянальную каманду Мігел забіў 14 кастрычніка 2008 года ў адборачным турніры да чэмпіянату свету 2010 года супраць зборнай Мальты.

Дасягненні

Спортынг

• Уладальнік Кубка Партугаліі (2): 2007, 2008
• Уладальнік Суперкубка Партугаліі (2): 2007, 2008

Дынама Кіеў

• Чэмпіён Украіны (2): 2015, 2016
• Уладальнік Кубка Украіны (2): 2014, 2015

Спасылкі

• На Вікісховішчы ёсць медыяфайлы па тэме Мігел Велозу
• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце by.tribuna.com (руск.)
• Профіль на сайце soccerway.com (руск.)
• Статыстыка на сайце Федэрацыі футбола Украіны (укр.)
• Профіль на сайце BDFutbol.com (англ.)
• Статыстыка на сайце ForaDeJogo (англ.)
• Статыстыка на сайце UEFA.com (руск.)
• Статыстыка на сайце FIFA (англ.)
• Статыстыка на сайце soccerbase.com (англ.)