Мідыі

Мідыі
Паселішча мідый ядомых
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Спіральныя Тып:  Малюскі Клас:  Двухстворкавыя Падклас:  Pteriomorphia Атрад:  Mytiloida Сямейства:  Mytilidae
Міжнародная навуковая назва
Mytilidae Rafinesque, 1815
Наменклатурны тып
Mytilus Linnaeus, 1758
Падсямействы
Bathymodiolinae Crenellinae Lithophaginae Modiolinae Mytilinae
Геахраналогія млн. гадоў Перыяд Эра Эон 2,588 Чац-ны Ка Ф а н е р а з о й 23,03 Неаген 65,5 Палеаген 145,5 Мел М е з а з о й 199,6 Юра 251 Трыяс 299 Перм П а л е а з о й 359,2 Карбон 416 Дэвон 443,7 Сілур 488,3 Ардовік 542 Кембрый 4570 Дакембрый ◄ Наш час ◄ Мел-палеагенавае выміранне ◄ Трыясавае выміранне ◄ Масавае пермскае выміранне ◄ Дэвонскае выміранне ◄ Ардовік-сілурскае выміранне ◄ Кембрыйскі выбух
Сістэматыка на Віківідах Выявы на Вікісховішчы ITIS   79451 NCBI   6547 EOL   46466613 FW   61248

Мідыі (Mytilidae) — сямейства двухстворкавых малюскаў.

Апісанне

Ракавіна даўжынёй да 25 см, кліналадобна-авальная. У сфарміраваных ракавін замковы край без зубоў. Часта развіты вельмі тонкі перламутравы слой блакітнага або зелянявага адцення. Нага невялікая, пальцападобная, з моцна развітой бісусавай залозай, з дапамогай выдзяленняў якой малюск прымацоўваецца да субстрату. Жабры (жаберная вось з двума радамі жаберных нітак) займаюць заднюю палову цела. Сіфоны кароткія, апраўленыя шчупальцамі звычайна інтэнсіўна-зялёнага або буравата-зялёнага колеру.

Пашырэнне

Вядомы з трыясу (каля 230 млн гадоў назад).

Вядома каля 30 родаў. Распаўсюджаны ў морах, ад літаралі да абісальных глыбінь. Мелкаводныя віды непатрабавальныя ў адносінах да фактараў навакольнага асяроддзя, мідыі жывуць нават у моцна апрэсненым Балтыйскім моры. У Паўночным паўшар'і найбольш трапляецца мідыя ядомая (Mytilus edilus), якая ўтварае паселішчы — мідыевыя банкі. Кампанент абрастання падводных частак збудаванняў і суднаў.

Асаблівасці біялогіі

Фільтратары: праз мантыйную поласць за суткі праходзіць да 70 л вады, неабходнай для дыхання і паступлення корму (пераважна планктон, дэтрыт).

Большасць раздзельнаполыя, часам назіраецца часовы гермафрадытызм. Развіццё з ператварэннем.

Промысел і выкарыстанне

Аб'ект промыслу і развядзення. Мя­са мідый выкарыстоўваецца ў ежу чалавекам, з ра­ка­він робяць кар­ма­вую му­ку.

Мідыямі кормяцца птушкі, скаты, камбала і траска, у Чорным моры — асятровыя рыбы, у паўночных морах — марскія зоркі.

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
• Біялогія: вучэб. дапам. для 8-га кл. агульнаадукац. устаноў з беларус. мовай навучання / Л. В. Камлюк, А. С. Шалапёнак; пер. з рус. мовы Г. І. Кулеш. — 3-е выд., дап. — Мн.: Нар. асвета, 2010. — 222 с.: іл. — ISBN 978-985-03-1367-6