Міжнародная асацыяцыя працоўных
| Міжнародная асацыяцыя працоўных | |
|---|---|
| International Workers' Association Asociación Internacional de los Trabajadores | |
| Адміністрацыйны цэнтр | Варшава, Польшча |
| Тып арганізацыі | міжнародная прафсаюзная арганізацыя |
| Заснаванне | |
| Дата заснавання | 1922 |
| iwa-ait.org | |
Міжнародная асацыяцыя працоўных (МАП) — міжнароднае аб'яднанне прафсаюзаў анарха-сіндыкалісцкай накіраванасці. Асацыяцыя была заснавана ў канцы 1922 года на берлінскім кангрэсе прадстаўнікоў анарха-сіндыкалісцкіх прафсаюзаў як спадчынніца Першага Інтэрнацыяналу, у сувязі з чым да 1950-х гадоў, была вядома таксама пад назвай Берлінскі інтэрнацыянал прафсаюзаў і Міжнароднае таварыства працоўных.
У 2016 годзе ў МАП адбыўся раскол, у выніку чаго з асацыяцыі выйшлі найбуйнейшыя секцыі: нямецкая секцыя, Нацыянальная канфедэрацыя працы (Іспанія), Італьянскі сіндыкальны саюз[1]. Пры гэтым асобныя былыя і цяперашнія сіндыкаты Нацыяальнай канфедэрацыі працы заявілі аб падтрымцы МАП. Іспанская секцыя МАП была адноўлена ў правах на Бялградскім кангрэсе асацыяцыі ў лістападзе 2017 года[2].
