Міжнародны банк рэканструкцыі і развіцця

З пляцоўкі Вікіпедыя
Jump to navigation Jump to search

Міжнародны банк рэканструкцыі і развіцця (скар. МБРР, англ.: International Bank for Reconstruction and Development) — асноўная крэдытная ўстанова Сусветнага банка. Міжнародны банк рэканструкцыі і развіцця — спецыялізаваная ўстанова ААН, міждзяржаўны інвестыцыйны інстытут, заснаваны адначасова з МВФ у адпаведнасці з рашэннямі Міжнароднай валютна-фінансавай канферэнцыі ў Брэтан-Вудс у 1944 годзе. Пагадненне аб МБРР, якое з’яўляецца адначасова і яго статутам, афіцыйна ўступіла ў сілу ў 1945 годзе, але банк пачаў функцыянаваць з 1946 года. Месцазнаходжанне МБРР — Вашынгтон.