Міжнародны дзень музеяў

З пляцоўкі Вікіпедыя
Jump to navigation Jump to search

Міжнародны дзень музеяў (англ.: International Museum Day) — прафесійнае свята работнікаў музеяў свету, якое паводле рашэння ХІІ Генеральнай асамблеі Міжнароднага савета музеяў адзначаецца з 1977 г. штогод 18 мая і прысвечана пэўнай тэме, якая вызначаецца Кансультацыйным камітэтам савета.

Гісторыя і апісанне свята[правіць | правіць зыходнік]

Міжнародны дзень музеяў святкуецца ва ўсім свеце з 1977 года, калі XI генеральная канферэнцыя ICOM (International Council of Museums — Міжнародны савет музеяў), якая праходзіла ў Маскве і Ленінградзе, прыняла рашэнне па прапанове савецкай дэлегацыі аб штогадовым прафесійным свяце. Прапанова аб гэтым была ўнесена І. А. Антонавай, дырэктарам Музея выяўленчых мастацтваў ім. А. С. Пушкіна. Некалькі гадоў спатрэбілася для таго, каб грамадства ўсвядоміла неабходнасць такога свята[1]. Да афіцыйнай установы Міжнароднага дня музеяў ICOM штогод праводзіла мерапрыемства пад назвай "Музейны крыжовы паход"[2].

У 1992 годзе савет ICOM, які афіцыйна займаецца арганізацыяй Міжнароднага дня музеяў, прапанаваў праводзіць падзею на пэўную тэматыку. З таго часу кожны год у Міжнароднага дня музеяў маецца ўласная тэма[3], і Міжнародны савет музеяў заўсёды робіць агляд звязаных з гэтай тэмай мерапрыемстваў, робячы іх даступнымі для ўсіх. Так, тэмай 1997—1998 гадоў была «Барацьба супраць незаконнага перамяшчэння культурных каштоўнасцяў», а тэма 2005 года «Музей — мост паміж культурамі».

Гіпермагчымасць злучэння (Hyperconnectivity) - гэта тэрмін, вынайдзены ў 2001 годзе для распрацоўкі шматлікіх сродкаў сувязі, якія мы маем сёння, такіх як кантакт тварам-да-твару, электронная пошта, абмен імгненнымі паведамленнямі, тэлефон або інтэрнэт. Гэтая глабальная сетка сувязяў з кожным днём становіцца ўсё больш складанай, разнастайнай і інтэграванай. Музеі далучаюцца да сучаснага свету гіперсувяззяў. Менавіта таму Міжнародны Савет музеяў (ICOM) абраў тэму "Hyperconnected museums: New approaches, new publics" ("Музейнае гіперпадключэнне: новыя падыходы, новыя аўдыторыі") для Міжнароднага дня музеяў 2018 года[4].

Штогод падзея станавілася ўсё больш і больш папулярнай. У 2007 годзе, гэта значыць роўна праз 30 гадоў, у правядзенні Міжнароднага дня музеяў прымала ўдзел 70 краін. Тэмай таго года была абраная «Усе мы ў адказе за сусветную спадчыну».

А ў 2015 годзе ў мерапрыемстве бралі ўдзел больш за 35 тысяч музеяў з 145 краін свету[5].

Ужо некалькі гадоў акрамя Міжнароднага дня музеяў праходзіць яшчэ адно свята — Ноч музеяў. Гэта ўжо ініцыятыва французскіх музеёлагаў[6].

Міжнародны дзень музеяў у Беларусі[правіць | правіць зыходнік]

У 2013 годзе больш за 100 музеяў Беларусі далучыліся да еўрапейскай акцыі, прысвечанай святкаванню дня музеяў і ночы музеяў. Калектыў кожнага з музеяў падрыхтаваў сваю арыгінальную праграму, якая адпавядала міжнароднаму дэвізу «Музей, памяць і крэатыў — сацыяльныя змены». У актыўную працу ўключыліся не толькі сталічныя музеі, але і рэгіянальныя[7].

Гомельскі палацава-паркавы ансамбль у гэты дзень узнаўляе «Імператарскі баль у Гомельскім палацы». У яго аснову пакладзены рэальныя падзеі, звязаныя з візітам імператара Мікалая II у Гомель ў 1915 годзе.

Археалагічны музей «Бярэсце» (Валынскае ўмацаванне Брэсцкай крэпасці) і музей гісторыі Брэста ў 2013 годзе адкрывалі музейную ноч прэзентацыяй выстаўкі «Артэфакт Бярэсця», інтэрактыўнымі экспазіцыіямі «Рублі сякерай» і «Займальная археалогія». Завершылася свята ў музеі гісторыі горада Брэста інтэрактыўнай экскурсіяй «Габрэйскі Брэст», майстар-класам па сярэднявечным танцам і вогненым шоў.

Гродзенскі гісторыка-археалагічны музей у тым жа годзе падрыхтаваў праграму "Усходняя ноч у Новым замку". У праграме былі базар ўсходніх тавараў, праца чайнага дома «Чайкоффский», гісторыка-музычная праграма «Подых Усходу» з удзелам школы ўсходніх танцаў, клуба кунг-фу «Іліцюань», Лігі спартыўных мастацтваў.

Праграма Віцебскага мастацкага музея таго ж года мела назву «Падарожжа ў Парыж». «Падарожжа» суправаджалася выступленнем духавога аркестра, выставай макетаў Эйфелевай вежы, тэатральнымі пастаноўкамі і танцавальнымі паўзамі пад музыку французскага шансона 1930-х гадоў.

Магілёўскі абласны краязнаўчы музей імя Е.Р. Раманава ў 2013 годзе падрыхтаваў маштабную праграму для дзяцей: парад духавых аркестраў, конкурс малюнкаў на асфальце, тэатр «Батлейка», конкурс дзіцячых вершаў, інтэрактыўныя экскурсіі, конкурсы, віктарыны, гульні, майстар-класы.

Нацыянальны мастацкі музей у тым жа годзе прапанаваў "Беларускую ноч, або Музей у фантастычных апавяданнях". Гэтая была ноч незвычайная і без традыцыйных этнаграфічных элементаў: музей ператварыўся ў дом Шляхціца Завальні, у залах якога маглі знайсці прытулак і ласкава падзяліцца сваімі апавяданнямі шматлікія "вандроўнікі". У рамках гэтай акцыі праходзіў праект «картопля-АРТ» - летняе кафэ, дзе можна было паспрабаваць незвычайныя беларускія «прысмакі». Таксама было магчыма ўбачыць партрэты князёў Вялікага княства Літоўскага, прывезеныя з Львова і Луцка. Як распавялі арганізатары, наведвальнікі маглі бясплатна наведаць «Беларускую ноч», прыйшоўшы ў незвычайных абутку ці акулярах. Ўсіх наведвальнікаў чакалі сюрпрызы[8].

Зноскі