Міжнародны паралімпійскі камітэт

З пляцоўкі Вікіпедыя
Jump to navigation Jump to search
Міжнародны паралімпійскі камітэт
Штаб-кватэра: Сцяг Германіі Германія, Бон
Тып арганізацыі: міжнародная няўрадавая арганізацыя
Кіраўнікі
Прэзідэнт Філіп Кравен
Заснаванне
1989 год
http://paralympic.org/

Міжнародны паралімпійскі камітэт (МПК, International Paralympic Committee) — міжнародная няўрадавая арганізацыя, якая кіруе паралімпійскім рухам. Камітэт прымае рашэнні па пытаннях правядзення Паралімпійскіх гульняў, а таксама з'яўляецца спартыўнай федэрацыяй для шэрагу паралімпійскіх відаў спорту. Штаб-кватэра камітэта знаходзіцца ў Боне. Прэзідэнтам МПК з'яўляецца сэр Філіп Кравен.

МПК вызначае, якія віды спорту будуць прадстаўлены на Паралімпійскіх гульнях, агульную схему арганізацыі гульняў, якія ўжываюцца стандарты і да т.п. Але непасрэдна арганізацыю Паралімпійскіх гульняў ажыццяўляе Арганізацыйны камітэт Алімпійскіх гульняў, які створаны ў адпаведнай краіне для правядзення Алімпійскіх і Паралімпійскіх гульняў.

МПК быў створаны ў 1989 годзе. Яго заснавальнікамі сталі спартыўныя федэрацыі для інвалідаў, а таксама 42 нацыянальных арганізацыі спорту інвалідаў у розных краінах. Сярод заснавальнікаў быў Міжнародны камітэт па спорце глухіх, які, аднак, ён выйшаў са складу МПК у 1994 г.

Цяпер членамі МПК з'яўляюцца 161 нацыянальны паралімпійскі камітэт, 5 рэгіянальных арганізацый (паводле частак свету), 10 міжнародных спартыўных федэрацый (паводле відаў спорту) і 4 міжнародныя арганізацыі спорту для інвалідаў (паводле тыпу інваліднасці). Да спартыўных арганізацый інвалідаў адносяцца Міжнародная спартыўная федэрацыя калясачнікаў і ампутантаў, Міжнародная асацыяцыя спорту і вольнага часу для людзей з цэрэбральным паралічам, Міжнародная федэрацыя спорту сляпых і Міжнародная спартыўная федэрацыя для асоб з парушэннем інтэлекту.

Штаб-кватэра МПК

Вышэйшым органам МПК з'яўляецца Генеральная асамблея яго членаў, якая збіраецца кожныя 2 гады.

Спасылкі[правіць | правіць зыходнік]