Мікалай Аляксандравіч Смірноў

Мікалай Аляксандравіч Смірноў
Мікалай Аляксандравіч Смірноў
Дата нараджэння	5 мая 1898
Месца нараджэння	Мінск, Мінскі павет, Мінская губерня, Расійская імперыя;
Дата смерці	19 лістапада 1960 (62 гады)
Альма-матар	Міхайлаўскае артылерыйскае вучылішча[d]; Ваенная акадэмія імя М. В. Фрунзэ;
Грамадзянства	Расійская імперыя; СССР;
Званне	генерал-лейтэнант
Бітвы/войны	Грамадзянская вайна ў Расіі; Вялікая Айчынная вайна;
Узнагароды і званні	Знак ранення[d]

Мікалай Аляксандравіч Смірно́ў^[1] (5 мая 1898 — 19 лістапада 1960) — ваенны дзеяч, генерал-лейтэнант артылерыі (1958).

Біяграфія

Нарадзіўся ў Мінску. Скончыў гімназію ў Рыбінску і паступіў на механічнае аддзяленне Петраградскага політэхнічнага інстытута, на якім вучыўся да лютага 1917 года. Паступіў у Міхайлаўскае артылерыйскае вучылішча. У жніўні 1917 года скончыў паскораны курс з прысваеннем звання прапаршчык і быў накіраваны ў запасны артылерыйскі полк у горад Луга. Пасля дэмабілізацыі ў 1918 годзе пераехаў у Рыбінск. У 1918 годзе дабрахвотнікам уступіў у Чырвоную Армію. Удзельнік Грамадзянскай вайны на Заходнім і Паўднёвым франтах. У 1926 годзе скончыў Кіеўскую школу камсаставу і прызначаны камандзірам артылерыйскай батарэі ў горадзе Крамянчуг. У кастрычніку 1937 года М. А. Смірноў звольнены ў запас і неўзабаве быў арыштаваны органамі НКУС. Пасля закрыцця справы і рэабілітацыі вызвалены і адноўлены ў Чырвонай Арміі. У 1941 годзе скончыў Ваенную акадэмію імя М. В. Фрунзэ.

У Вялікую Айчынную вайну М. А. Смірноў на Паўднёвым, Сталінградскім, 1-м Украінскім і 4-м Украінскім франтах. Займаў пасады камандзіра артылерыйскага палка, камандуючага артылерыяй дывізіі, корпуса, арміі. Удзельік Сталінградскай і Курскай бітваў, бітвы за Дняпро, вызвалення Польшчы і Чэхаславакіі. У 1945—1958 гадах М. А. Смірноў на адказных пасадах у Савецкай Арміі.

Зноскі

↑ БелЭн 2002.

Літаратура

Смірно́ў Мікалай Аляксандравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 57. — 10 000 экз. — ISBN 985-11-0035-8. — ISBN 985-11-0251-2 (т. 15).
Военачальники земли Белорусской : энциклопедический справочник. / Б. Д. Долготович. — Мн.: БелЭн, 2005. — С. 180. — 287 с.: ил. — (60-летию Великой Победы посвящается) — ISBN 985-11-0321-7. (руск.)
Соловьёв Д. Ю. Все генералы Сталина. Артиллерия. Том 21. — ЛитРес, 2021. (руск.)

Спасылкі

Смірноў Мікалай Аляксандравіч на сайце анлайн-энцыклапедыі «Беларусь у асобах і падзеях»
Смирнов Николай Александрович (руск.) // Праект «Память народа»
Музейный комплекс «Дорога памяти» Архівавана 21 лістапада 2021. (руск.)
Смирнов Николай Александрович // Бессмертный полк. Рыбинский район. (руск.)

[FOOTNOTEБелЭн2002-1] БелЭн 2002.

[1]