Мікалай Андрэевіч Кавалёў

Мікалай Андрэевіч Кавалёў руск.: Николай Андреевич Ковалёв
Дата нараджэння	1 чэрвеня 1937(1937-06-01) (86 гадоў)
Месца нараджэння	Стары Дзедзін, Кісялёвабудскі сельсавет, Клімавіцкі раён, БССР, СССР
Грамадзянства	Беларусь
Род дзейнасці	ветэрынар
Навуковая сфера	Ветэрынарыя
Месца працы	Інстытут эксперыментальнай ветэрынарыі імя С. М. Вышалескага НАНБ
Навуковая ступень	доктар ветэрынарных навук
Навуковае званне	прафесар, акадэмік НАНБ, акадэмік ААН РБ
Альма-матар	Віцебскі ветэрынарны інстытут
Партыя	КПСС (1991)
Узнагароды

Мікалай Андрэевіч Кавалёў (нар. 1 чэрвеня 1937 г., вёска Стары Дзедзін, Клімавіцкі раён, Магілёўская вобласць) — беларускі вучоны ў галіне ветэрынарыі. Акадэмік Акадэміі аграрных навук Беларусі (1994; член-карэспандэнт з 1992), акадэмік Нацыянальнай акадэміі навук Белаурсі (2003), доктар ветэрынарных навук (1977), прафесар (1979).

Біяграфія

Скончыў Віцебскі ветэрынарны інстытут (1959). З 1964 г. у Беларускім НДІ эксперыментальнай ветэрынарыі імя С. М. Вышалескага (з 1988 дырэктар). У 1959—1961 гг. працаваў ветэрынарным урачом раённай ветлячэбніцы і галоўным ветэрынарным урачом у саўгасе «Высокаўскі» ў Клімавіцкім раёне (Магілёўская вобласць). Член КПСС з 1965 г. З 1992 па 1997 гг. - акадэмік-сакратар Аддзялення жывёлагадоўлі і ветэрынарыі Акадэміі аграрных навук Рэспублікі Беларусь, з 1997 года намеснік, з 2002 г. галоўны навуковы супрацоўнік Інстытута эксперыментальнай ветэрынарыі імя С. М. Вышалескага НАН Беларусі.

Навуковая дзейнасць

Аўтар многіх навуковых работ па эпізааталогіі прыродна-ачаговых хвароб хатняй і дзікай жывёлы на Беларусі, распрацоўцы экспрэс-метадаў дыягностыкі, спосабаў прафілактыкі і лячэння інфекцыйнай паталогіі жывёл. Распрацаваў больш за 35 біяпрэпаратаў і метадаў дыягностыкі і прафілактыкі інфекцыйных захворванняў жывёлы.

М. А. Кавалёў прымаў удзел у рабоце Сусветных ветэрынарных кангрэсаў у Мексіцы (Мехіка), Аўстраліі (Сідней), Расіі (Масква), Міжнароднага эпізаатычнага бюро ў Парыжы ў 1991, 1993, 1995 гг. і іншых мерапрыемстваў. Доўгі час з’яўляўся членам Усесаюзнай камісіі па біяпрэпаратам Міністэрства сельскай гаспадаркі СССР. Член Еўрапейскага таварыства вірусолагаў, антывіруснай асацыяцыі Рэспублікі Беларусь, рэдакцыйных калегій часопісаў «Эпизоотология, иммунология, фармакология, санитария», «Экология и животный мир».

Навуковыя працы

М. А. Кавалёў з’яўляецца аўтарам больш за 360 навуковых прац, у т.л. 8 манаграфій і 19 вынаходніцтваў і патэнтаў.

Сярод апублікаванага:

• Бешенство животных. — Мн., 1990 (разам з М. Р. Таршысам, П. П. Кузняцовым);
• Новые методы диагностики зоонозных инфекций. — Мн., 1982;
• Справочник по болезням сельскохозяйственных животных. — 2-е изд. — Мн., 1990 (у сааўт.).
• Классическая и современная иммунология / Р. В. Тузова-Юсковец, Н. А. Ковалёв. — Мн.: Белорусская наука, 2006. — 691 с. — На рус. яз. — ISBN 985-08-0758-X

Узнагароды

М. А. Кавалёў узнагароджаны ордэнам «Знак Пашаны», медалямі.

Літаратура

• Кавалёў Мікалай Андрэевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 395. — 10 000 экз. — ISBN 985-11-0035-8. — ISBN 985-11-0130-3 (т. 7).
• Кавалёў Мікалай Андрэевіч // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 452.

Спасылкі

• КАВАЛЁЎ Мікалай Андрэевіч на сайце НАН Беларусі
• Мікалай Андрэевіч Кавалёў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• НИКОЛАЙ АНДРЕЕВИЧ КОВАЛЁВ (К 75-летию со дня рождения (руск.)