Мікалай Леанідавіч Самасейка

Мікалай Леанідавіч Самасейка
Мікалай Леанідавіч Самасейка
Дэпутат Палаты прадстаўнікоў Нацыянальнага сходу Рэспублікі Беларусь V склікання
	18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч; Андрэй Кабякоў
Нараджэнне	3 кастрычніка 1959 (63 гады); Масква, РСФСР, СССР;
Адукацыя	юрыдычны факультэт БДУ;
Дзейнасць	палітык
Месца працы	Суд Фрунзенскага раёна г. Мінска; Мінскі гарадскі суд; Суд Цэнтральнага раёна г. Мінска;
Узнагароды	Ганаровая грамата Нацыянальнага сходу Рэспублікі Беларусь

Мікалай Леанідавіч Самасейка (3 кастрычніка 1959, Масква, РСФСР) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Біяграфія[правіць | правіць зыходнік]

Нарадзіўся 3 кастрычніка 1959 года ў г. Маскве (РСФСР).

Скончыў юрыдычны факультэт Беларускага дзяржаўнага ўніверсітэта па спецыяльнасці «Правазнаўства».

Працаваў суддзёй суда Фрунзенскага раёна г. Мінска; суддзёй судовай калегіі па крымінальных справах Мінскага гарадскога суда; старшынёй суда Цэнтральнага раёна г. Мінска.

З’яўляўся дэпутатам Палаты прадстаўнікоў Нацыянальнага сходу Рэспублікі Беларусь чацвёртага склікання, быў старшынёй Пастаяннай камісіі па заканадаўстве і судова-прававых пытаннях.

Намеснік Старшыні Парламенцкага Сходу Саюза Беларусі і Расіі.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.