Мікалай Мікалаевіч Дундзін

Мікалай Мікалаевіч Дундзін
Дата нараджэння	27 кастрычніка 1950(1950-10-27) (74 гады)
Месца нараджэння	Красны Бор, Q55957129?, Чавускі раён, Магілёўская вобласць, БССР, СССР
Грамадзянства	Беларусь
Род дзейнасці	мастак
Вучоба	мастацка-графічны факультэт ВДУ (1973)
Член у	Беларускі саюз мастакоў

Мікалай Мікалаевіч Дундзін (нар.27 кастрычніка 1950, в. Чырвоны Бор, Чавускі раён, Магілёўская вобласць) — беларускі жывапісец, графік, галерыст.

Біяграфія

Скончыў мастацка-графічны факультэт Віцебскага педагагічнага інстытута ў 1973 годзе. Удзельнік выстаў з 1986 года. З 1987 года адзін з заснавальнікаў творчага аб'яднання «Квадрат», адказны сакратар аб'яднання. З 1991 года сябра секцыі жывапісу Союза мастакоў Беларусі. У 2010 годзе ў Віцебску адкрыў галерэю «Сцяна». Жыве ў Віцебску.

Творы знаходзяцца ў калекцыях Музея сучаснага выяўленчага мастацтва ў Мінску, Нарвскага музея, Віцебскага мастацкага музея (філіял абласнога Віцебскага краязнаўчага музея), Магілёўскага абласнога мастацкага музея імя П. У. Масленікава.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).

Спасылкі

• Дундзін Мікалай Мікалаевіч на сайце анлайн-энцыклапедыі «Беларусь у асобах і падзеях»