Мікалай Міронавіч Івашэнка

Мікалай Міронавіч Івашэнка
Дата нараджэння	1 верасня 1917(1917-09-01)
Месца нараджэння	Віцебск, Віцебская губерня, Расійская імперыя
Дата смерці	1989
Род дзейнасці	выкладчык універсітэта
Месца працы	Брэсцкі дзяржаўны ўніверсітэт імя А. С. Пушкіна БелДУТ Гомельскі дзяржаўны ўніверсітэт імя Францыска Скарыны
Навуковая ступень	кандыдат гістарычных навук
Альма-матар	Вышэйшая партыйная школа пры ЦК КПСС[d] Камуністычны інстытут журналістыкі імя С. М. Кірава Віцебскі дзяржаўны ўніверсітэт імя П. М. Машэрава Інстытут гісторыі НАНБ
Узнагароды

Мікалай Міронавіч Івашэнка (нар. 1 верасня 1917, г. Віцебск — 1989) — беларускі гісторык. Кандыдат гістарычных навук (1955), дацэнт (1962). Удзельнік Вялікай Айчыннай вайны.

Біяграфія

Скончыў сямігодку (1932), Віцебскае фабрычна-завадское вучылішча чыгуначнікаў (1934), завочна Камуністычны інстытут журналістыкі ў Мінску (1938), Віцебскі педагагічны інстытут (1940), Вышэйшая партыйная школа пры ЦК КПСС (1952), Інстытут гісторыі АН БССР (аспірантура, 1955).

Працаваў у Віцебскай 7-летняй школе (1946, завуч, дырэктар), Віцебскім гаркаме КПБ (з 1946, загадчык арганізацыйна-інструктарскага аддзела), ЦК КПБ (1947—1953 — памочнік сакратара, 1953—1954 — намеснік загадчыка аддзела адміністрацыйных і гандлёва-фінансавых органаў), Гомельскім абкаме КПБ (з 1955, загадчык аддзела школ і вну), Брэсцкім дзяржаўным педагагічным інстытуце (1958—1964, рэктар), Гомельскім дзяржаўным ўніверсітэце (1965—1970, у 1965—1969 — рэктар), Беларускім інстытуце інжынераў чыгуначнага транспарту (1970—1982, дацэнт кафедры гісторыі КПСС і навуковага камунізму).

Навуковыя інтарэсы: гісторыя савецкай інтэлігенцыі; роля сельскіх партыйных арганізацый у падрыхтоўцы і правядзенні калектывізацыі.

Узнагароды

Ордэны Чырвонага Сцяга, Айчыннай вайны 1-й і 2-й ступеней і інш.

Літаратура

• Борьба за завершение коллективизации и организационно-хозяйственное укрепление колхозов западных областей Белорусской ССР (1950—1953 гг.) : автореферат диссертации … кандидата исторических наук / Н. М. Ивашенко. — Минск, 1955.
• Івашэнка Мікалай Міронавіч // Выкладчыкі Брэсцкага дзяржаўнага ўніверсітэта: 1945—2014 : біябібліяграфічны даведнік. — Брэст, 2015. — С. 11—12.
• Ивашенко Николай Миронович // Путь в науку. — Гомель, 2011. — Вып. 6 : Очерки о докторах и кандидатах наук Гомельщины. — С. 186.
• Институт истории НАН Беларуси в лицах, 1929—2008 гг. : биобиблиографический справочник. — Минск, 2008. (Упамінанне на с. 368, 374, 398; форма імя «Иващенко Н. М.» — памылковая.)