Мікалай Піліпавіч Каралёў

З пляцоўкі Вікіпедыя
Jump to navigation Jump to search
Мікалай Філіповіч Каралёў
Мікалай Піліпавіч Каралёў.jpg
Дата нараджэння 1 ліпеня 1906(1906-07-01)
Месца нараджэння
Дата смерці 7 красавіка 1972(1972-04-07) (65 гадоў)
Месца смерці
Месца пахавання
Альма-матар
Прыналежнасць Flag of the Soviet Union.svg СССР
Род войскаў партызаны
Гады службы 19411944
Званне
Генерал-маёр
Камандаваў 210-ы атрад імя І. В. Сталіна,
1-я Асіповіцкая партызанская брыгада,
Асіповіцкая ваенна-аператыўная група
Бітвы/войны Вялікая Айчынная вайна
Узнагароды і прэміі
СССР
Медаль «Залатая Зорка»
Ордэн Леніна Ордэн Леніна Ордэн Працоўнага Чырвонага Сцяга Ордэн Працоўнага Чырвонага Сцяга
Медаль «У азнаменаванне 100-годдзя з дня нараджэння Уладзіміра Ільіча Леніна»
Медаль «Партызану Айчыннай вайны» 1 ступені Медаль «За перамогу над Германіяй у Вялікай Айчыннай вайне 1941—1945 гг.» 20 years of victory rib.png
Медаль «За доблесную працу ў Вялікай Айчыннай вайне 1941-1945 гг.»
Медаль «50 гадоў Узброеных Сіл СССР»

Мікалай Піліпавіч Каралёў (1 ліпеня 1906, вёска Амінавічы, Асіповіцкі раён, Магілёўская вобласць — 9 красавіка 1972) — генерал-маёр (1943), Герой Савецкага Саюза (1944).

Біяграфія[правіць | правіць зыходнік]

Нарадзіўся у в. Амінавічы Асіповіцкага раёна ў сялянскай сям’і. У Чырвонай Арміі з 1929 года. Член КПСС з 1939 г. У 19301932 гг. працаваў у Асіповіцкім леспрамгасе, на заводзе, з 1932 года старшыня калгаса, сельсавета, з 1937 года намеснік старшыні, старшыня Асіповіцкага райвыканкама[1].

У Вялікую Айчынную вайну адзін з арганізатараў і кіраўнікоў партызанскага руху і камуністычнага паднолля ў Магілёўскай вобласці. 3 ліпеня 1941 года камандзір групы, з сакавіка 1942 года — 210-га асобнага атрада, са студзеня 1943 года — камандзір 1-й Асіповіцкай партызанскай брыгады, з ліпеня 1943  г. — Асіповіцкай ваенна-аператыўнай групы. З 2 красавіка па 15 верасня 1943 года член Магілёўскага падпольнага абкома КП(б)Б[1]. Пастановай Савета Народных Камісараў СССР ад 16 верасня 1943 года № 1000 — аднаму з дзесяці камандзіраў партызанскіх фарміраванняў Беларускай ССР — прысвоена воінскае званне генерал-маёра[2].

1 студзеня 1944 года прысвоена званне Героя Савецкага Саюза[1]. З жніўня 1944 г. старшыня Магілёўскага гарвыканкама. З 1946 года — у запасе. У 19531957 гадах першы сакратар Хоцімскага райкома КПБ. У 1956 годзе скончыў Вышэйшую партшколу пры ЦК КПСС. З 1958 года на савецкай рабоце ў Магілёве. Кандыдат у члены ЦК КП(б)Б у 19491952, 19541960 гадах. Дэпутат Вярхоўнага Савета БССР 2-4 скліканняў у 1947—1959 гг. Член Прэзідыума Вярхоўнага Савета БССР 2-га склікання ў 1947—1955 гг.[1]

Пахаваны ў Магілёве на Машэкаўскіх могілках[3]. У 1973 годзе на магіле пастаўлена стэла з барэльефам[1].

Ганаровы грамадзянін г. Магілёва. Аўтар кнігі «Сыны народа» (1955). Узнагароджаны двума ордэнамі Леніна, двума ордэнамі Чырвонага Сцяга, медалямі.

Памяць[правіць | правіць зыходнік]

Мемарыяльная дошка, устаноўленая ў Магілёве на доме, дзе жыў Мікалай Піліпавіч Каралёў.
Мемарыяльная дошка

Яго імем названы вуліцы ў Магілёве, Асіповічах, Хоцімску, у вёсках Масток Магілёўскага і Вярхі Асіповіцкага раёнаў. У Магілёве на доме, дзе ён жыў, устаноўлены дзве мемарыяльныя дошкі, на яго радзіме ў в. Амінавічы — бюст. У сярэдняй школе № 33 г. З’яўляецца ганаровым грамадзянінам Магілёва (1970). У абласным цэнтры праводзіцца турнір па вольнай барацьбе памяці героя[2].

Зноскі

  1. 1,0 1,1 1,2 1,3 1,4 32. Магіла Каралёва // Збор помнікаў гісторыі і культуры Беларусі. Магілёўская вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. 13. Марцэлеў (гал. рэд.) і інш.— Мн.: Беларус. Сав. Энцыклапедыя, 1986.— 408 с., іл.
  2. 2,0 2,1 Легендарные комбриги. Николай Королев
  3. Кладбища // Могилёв. Энциклопедический справочник / Гл. редактор И. П. Шамякин. — Мн. : БелСЭ им. П. Бровки, 1990. — 472 с. ISBN 5-85700-028-9

Літаратура[правіць | правіць зыходнік]

  • Каралёў М. П. // Беларуская Савецкая Энцыклапедыя.- Т.5.- Мн.,1972.- С.428.
  • Королёв Николай Филиппович // Герои Советского Союза: Краткий биогр.слов.- М.,1987.- Т.1.- С.735.

Спасылкі[правіць | правіць зыходнік]