Мікалай Уладзіміравіч Някрасаў

Мікалай Уладзіміравіч Някрасаў
Асабістыя звесткі
Дата нараджэння	18 снежня 1900(1900-12-18)
Месца нараджэння	Масква, Маскоўская губерня, Расійская імперыя
Дата смерці	4 кастрычніка 1938(1938-10-04) (37 гадоў)
Месца смерці	СССР
Грамадзянства	Расійская імперыя  СССР
Прафесійная дзейнасць
Род дзейнасці	эсперантыст, паэт, перакладчык, пісьменнік, журналіст
Мова твораў	эсперанта і руская
Медыяфайлы на Вікісховішчы

Мікалай Уладзіміравіч Някрасаў (18 снежня 1900 — 4 кастрычніка 1938) — рускі эсперантыст і перакладчык на эсперанта, пісьменнік, паэт, журналіст і крытык.

Біяграфія

Нарадзіўся ў Маскве ў 1900 годзе. У 15 гадоў вывучыў эсперанта. У 1918-1919 гадах быў рэдактарам уласнаручна выдаваемага выдання Juna Mondo («Юны свет»). Стаў сузаснавальнікам літаратурнага рэв'ю La Nova Epoko («Новая эпоха») у 1922 годзе і быў яго рэдактарам да 1930 года. Сярод дзейнасці «Новай эпохі» можна адзначыць адкрыты ліст міністру адукацыі Францыі Лявону Берару, які ў чэрвені 1922 года забараніў выкладанне эсперанта ў французскіх навучальных установах як «патэнцыйна небяспечнага» (у лісце міністру дзякавалі за павышэнне папулярнасці эсперанта і раілі далей забараніць французскую мову, на якой апублікавана яшчэ больш рэвалюцыйных твораў). У 1933 годзе рэдагаваў зборнік артыкулаў «Новыя праблемы мовазнаўства».

Перш за ўсё вядомы як перакладчык рускай вершаванай класікі на эсперанта. Паэтычная спадчына самога Някрасава друкавалася ў розных перыядычных выданнях. На яго творчасць паўплывалі прадстаўнікі рускага сімвалізму, такія як Блок і Бальмонт.

У сярэдзіне 1930-х гадоў Някрасаў разам з іншымі членамі эсперантистского руху ў СССР стаў аб'ектам сталінскага тэрору і 4 лістапада 1938 года быў расстраляны. Пасмяротна рэабілітаваны 26 лістапада 1957 года.

Творы

Перакладзеная паэзія

• Kupra rajdanto (Медны коннік), Пушкіна.
• Eŭgeno Onegin (Яўген Анегін) . Пушкіна, SAT.
• Dekdu (Дванаццаць) і Najtingala ĝardeno (Салаўіны сад) Блока.
• Blanka cigno (Белы лебедзь) і La mortaj ŝipoj (Мёртвыя караблі) Бальмонта.
• Nubo en pantalono (Воблака ў штанах) і Suno (Сонца) Маякоўскага.
• Monna Liza Міхаіла Герасімава.
• Socialismo, Patrino (Маці) Бежыменскага.

Перакладзеная проза

• Ruĝa Stelo (Чырвоная зорка) Аляксандра Багданава, SAT, 1929.
• La Vojo de formiĝo kaj disvastiĝo de la lingvo internacia (The way of formation and spread of the international language) Эрнста Дрезена, SAT, 1929
• Historio de la mondolingvo (History of the world Language) Эрнста Дрезена.

Уласная паэзія

• Fablo pri ĝilotinŝraŭbeto (Байка пра маленькага шруба з левай разьбой), апублікавана ў Sennacieca Revuo.
• Testamento de Satano (Запавет Сатаны).
• Verda flamo (Зялёнае полымя)
• Krono de sonetoj pri Esperanto (Вянок санетаў).
• Mi moskvano (Я, масквіч), апублікавана ў Internacia Literaturo.

Уласная проза

• Bibliografio de Esperantaj presaĵoj en USSR dum 12 jaroj de la revolucio 1917-1928 (Бібліяграфія матэрыялаў на эсперанта, апублікаваных у СССР за 12 гадоў рэвалюцыі 1917-1928), Масква, 1928.
• Tra USSR per Esperanto (Праз СССР аб эсперанта).
• Некалькі эсэ аб літаратуры на эсперанта, апублікаваных у La Nova Epoko.