Мікалай Яўгенавіч Бузін

Мікалай Яўгенавіч Бузін
Мікалай Яўгенавіч Бузін
дэпутат Палаты прадстаўнікоў Нацыянальнага сходу Рэспублікі Беларусь[d]
	з 2024
Нараджэнне	28 лютага 1971 (54 гады); Ліда, Лідскі раён, Гродзенская вобласць, БССР, СССР;
Адукацыя	МінСВУ; Харкаўскае гвардзейскае вышэйшае танкавае каманднае вучылішча[d]; Камандна-штабны факультэт Ваеннай акадэміі Рэспублікі Беларусь[d]; Ваенная акадэмія Генеральнага штаба Узброеных Сіл Расійскай Федэрацыі;
Месца працы	ВАРБ; Навукова-даследчы інстытут Узброеных Сіл Рэспублікі Беларусь[d];
Званне	палкоўнік
Узнагароды	Ганаровая грамата Савета Міністраў Рэспублікі Беларусь Ганаровая грамата Адміністрацыі Прэзідэнта Рэспублікі Беларусь[d]
	Медыяфайлы на Вікісховішчы

Мікалай Яўгенавіч Бузін (нар. 28 лютага 1971, г. Ліда) — беларускі ваенны, дэпутат Палаты прадстаўнікоў Нацыянальнага сходу Рэспублікі Беларусь VIII склікання. Доктар ваенных навук, прафесар.

Біяграфія

Нарадзіўся 28 лютага 1971 года ў г. Лідзе Гродзенскай вобласці^[1].

Скончыў Мінскае сувораўскае ваеннае вучылішча; Харкаўскае танкавае каманднае вучылішча імя Вярхоўнага Савета УССР па спецыяльнасці «Камандная тактычная, інжынер па эксплуатацыі колавых і гусенічных машын»; камандна-штабны факультэт Ваеннай акадэміі Рэспублікі Беларусь па спецыяльнасці «Камандна-штабная аператыўна-тактычная сухапутных войскаў»; ад’юнктуру Ваеннай акадэміі Рэспублікі Беларусь; Ваенную акадэмію Генеральнага штаба Узброеных Сіл Расійскай Федэрацыі па спецыяльнасці «Ваеннае і дзяржаўнае кіраванне»; палкоўнік^[1].

Праходзіў службу на камандных і штабных пасадах, займаўся выкладчыцкай і навуковай дзейнасцю. Прайшоў шлях ад старшага выкладчыка да начальніка кафедры Ваеннай акадэміі Рэспублікі Беларусь, кіраваў Навукова-даследчым інстытутам Узброеных Сіл Рэспублікі Беларусь^[1].

Звольнены з Узброеных Сіл Рэспублікі Беларусь у запас з пасады намесніка начальніка Генеральнага штаба Узброеных Сіл па навуковай рабоце^[1].

З’яўляўся памочнікам Старшыні Палаты прадстаўнікоў Нацыянальнага сходу Рэспублікі Беларусь сёмага склікання^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Коласаўскай акругі № 106. Старшыня Пастаяннай камісіі па правах чалавека, нацыянальных адносінах і сродках масавай інфармацыі, член Савета Палаты прадстаўнікоў^[1].

Навуковая дзейнасць

Эксперт у сферы геапалітыкі і нацыянальнай бяспекі. Аўтар больш за 220 навуковых прац, у тым ліку 6 манаграфій^[1].

Узнагароды

Узнагароджаны медалём «За бездакорную службу» I, II, III ступені,12 юбілейнымі медалямі, ганаровымі граматамі Савета Міністраў Рэспублікі Беларусь, Адміністрацыі Прэзідэнта Рэспублікі Беларусь, Парламенцкай Асамблеі Арганізацыі Дагавора аб калектыўнай бяспецы, іншых дзяржаўных органаў і ведамстваў^[1].

Адзначаны падзякамі Старшыні Палаты прадстаўнікоў Нацыянальнага сходу Рэспублікі Беларусь, Прэм’ер-міністра Рэспублікі Беларусь^[1].

Сям'я

Жанаты, мае сына^[1].

Зноскі

↑ ^а ^б ^в ^г ^д ^е ^ё ^ж ^з ^і Біяграфія на сайце Палаты прадстаўнікоў Нацыянальнага сходу Рэспублікі Беларусь

Спасылкі

Біяграфія на сайце Палаты прадстаўнікоў Нацыянальнага сходу Рэспублікі Беларусь

[:0-1] а ^б ^в ^г ^д ^е ^ё ^ж ^з ^і Біяграфія на сайце Палаты прадстаўнікоў Нацыянальнага сходу Рэспублікі Беларусь

[1]