Мікалас Альшэўскіс

Мікалас Альшэўскіс
Род дзейнасці	пісьменнік
Дата нараджэння	каля 1712
Дата смерці	каля 1779
Грамадзянства	Вялікае Княства Літоўскае
Веравызнанне	Каталіцкая Царква
Альма-матар	Віленскі ўніверсітэт

Мікалас Альшэўскіс, Міколас Альшаўскас (літ.: Mykolas Olševskis (Ališauskis, Alšauskas); каля 1712, Жамойць — каля 1779) — літоўскі каталіцкі рэлігійны дзеяч, пісьменнік.

«Broma atvera ing viečnastį», 1753.

Манах ордэна канонікаў рэгулярных. Выкладаў у манаскіх школах. Напісаў пра хрысціянскі аскетызм і пакорнасць белетрызаваную кнігу «Брама, адчыненая ў вечнасць» («Broma atvera ing viečnastį», 1753; 20 выд. 1851). Кніга ўтрымлівае тлумачэнне каталіцкіх догматаў, якія ілюструюцца фантастычнымі апавяданнямі, шмат схаластычных разважанняў. Твор М. Альшаўскаса — узор пісьмовай літоўскай мовы XVIII ст. са значнымі запазычаннямі з беларускай і польскай моў (каля паловы ўсёй лексікі кнігі).

Літаратура

• Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.