Мікаэль Антансан

Мікаэль Антансан
Агульная інфармацыя
Нарадзіўся	31 мая 1981(1981-05-31) (43 гады) Карлскруна, камуна Карлскруна, лен Блекінгэ, Швецыя
Грамадзянства	Швецыя
Рост	189 см
Вага	80 кг
Пазіцыя	абаронца
Маладзёжныя клубы
1989—1995 Сільхёўда
Клубная кар’ера
1996—1997 Сільхёўда 28 (8) 1998—2004 Гётэбарг 52 (0) 2004—2006 Аўстрыя Вена 28 (0) 2006—2007 Панатынаікос 7 (0) 2007—2011 Капенгаген 86 (2) 2011—2014 Балоння 89 (0) 2014—2018 Капенгаген 45 (0)
Нацыянальная зборная
1997—1998 Швецыя (да 16) 18 (2) 1999 Швецыя (да 18) 9 (0) 2002—2004 Швецыя (да 21) 20 (1) 2004—2015 Швецыя 28 (0)
Медыяфайлы на Вікісховішчы

Мікаэль Антансан (шведск.: Mikael Antonsson; нар. 31 мая 1981, Сільхёўда, Швецыя) — шведскі футбаліст, абаронца. Ігрок нацыянальнай зборнай Швецыі (2004—2015).

Клубная кар’ера

Антансан пачаў сваю кар’еру ў клубе «Сільхёўда», ужо ў падлеткавым узросце дэбютаваўшы ў асноўнай камандзе. У 1997 годзе перайшоў у клуб «Гётэбарг», першы час гуляў і трэніраваўся ў складзе моладзевай каманды. У Алсвенскан дэбютаваў у 2001 годзе, з 2003 года быў ужо іграком асноўнага складу.

Улетку 2004 года перайшоў у аўстрыйскі клуб «Аўстрыя». У камандзе адыграў два сезоны, аднак вельмі шмат прапусціў з-за частых траўм: у чэмпіёнскім сезоне 2005/06 адгуляў усяго ў 12 матчах. Тым не менш, акрамя чэмпіёнскага тытула, атрымаў перамогу з «Аўстрыяй» у двух Кубках Аўстрыі. У 2006 годзе Антансан стаў футбалістам грэчаскага «Панатынаікоса», які тады трэніраваў ягоны суайчыннік Ханс Баке, але рэдка трапляў у склад, асабліва пасля адстаўкі шведскага спецыяліста.

Правёўшы ў Грэцыі адзін сезон, Антансан вярнуўся ў Скандынавію, заключыўшы кантракт на 4 гады з дацкім клубам «Капенгаген». З камандай стаў трохразовым чэмпіёнам Даніі, адзін раз выйграў Кубак, з поспехам гуляў у Лізе чэмпіёнаў. У чэрвені 2011 года перайшоў у італьянскую «Балонню», правёў у першым сезоне 28 матчаў.

У 2014 годзе ігрок вярнуўся ў дацкі «Капенгаген», дзе гуляў да заканчэння кар’еры ў 2018 годзе, пасля чаго застаўся ў клубе на адміністрацыйнай працы.

Міжнародная кар’ера

Дэбютаваў у складзе нацыянальнай зборнай Швецыі 22 студзеня 2004 года ў матчы супраць зборнай Нарвегіі. Пазней гуляў за зборную нерэгулярна, з 2006 года не выклікаўся ў каманду на працягу амаль пяці гадоў, да вясны 2011 года.

Дасягненні

«Аўстрыя»:

• Чэмпіён Аўстрыі: 2006
• Уладальнік Кубка Аўстрыі (2): 2005, 2006

«Капенгаген»:

• Чэмпіён Даніі (5): 2009, 2010, 2011, 2016, 2017
• Уладальнік Кубка Даніі (4): 2009, 2015, 2016, 2017

Спасылкі

• Профіль на афіцыйным сайце «Капенгагена» (дацк.)