Мікола Купава

Мікола Купава
Мікола Купава
	; 23 лістапада 2014 на адкрыцці выстаўкі «Арт-Орша. Рубон» у мінскім Палацы мастацтва
Імя пры нараджэнні	Мікалай Мікалаевіч Купава
Дата нараджэння	31 студзеня 1946 (79 гадоў)
Месца нараджэння	Орша, Віцебская вобласць, БССР, СССР;
Грамадзянства	СССР; Беларусь;
Род дзейнасці	мастак, экслібрысіст
Месца працы	Мінскі дзяржаўны мастацкі каледж імя А. К. Глебава; архітэктурны факультэт БНТУ;
Жанр	партрэт, гістарычная карціна
Вучоба	Мінскае мастацкае вучылішча (1968); Беларускі дзяржаўны тэатральна-мастацкі інстытут (1976);
Мастацкі кірунак	рэалізм
Вядомыя працы	«Кастусь Каліноўскі»
Уплыў	Васіль Шаранговіч
Член у	Беларускі саюз мастакоў; Беларуская спеўна-драматычная майстроўня;
Узнагароды
Сайт	mikola-kupava.narod.ru
	Медыяфайлы на Вікісховішчы

Мікола (Мікалай Мікалаевіч) Купава (нар. 31 студзеня 1946, Орша) — сучасны беларускі мастак. Працуе ў галіне кніжнай і станковай графікі, акварэлі, жывапісу.

Біяграфія

У 1963—1968 гг. вучыўся ў Мінскім мастацкім вучылішчы, дзе яго настаўнікам быў, паміж іншага, Алег Луцэвіч. У 1976 г. скончыў навучанне на аддзяленні графікі Беларускага дзяржаўнага тэатральна-мастацкага інстытута, дзе настаўнікамі былі прафесар Павел Любамудраў, дацэнт Васіль Шаранговіч.

З 1972 г. пачынае выставачную дзейнасць, з 1978 г. член Беларускага саюза мастакоў. У 1976—1978 гг. працаваў выкладчыкам у Мінскім мастацкім вучылішчы імя Глебава. У 1982—1984 гг. быў мастацкім рэдактарам часопіса «Маладосць». Удзельнічаў у маладзёжным грамадскім аб’яднанні «Беларуская Майстроўня» (1979—1984).

У 1990—1996 гг. — намеснік дырэктара Мінскага мастацкага вучылішча імя Глебава пры Беларускай акадэміі мастацтваў, у 1998—2004 гг. — старшыня суполкі «Пагоня».

У 1991 годзе Мікола Купава разам з мастакамі Яўгенам Куліком, Уладзімірам Крукоўскім, Лявонам Бартлавым і Львом Талбузіным стварыў эталон дзяржаўнага герба «Пагоня» і сцяга Рэспублікі Беларусь^[2].

У 2002—2006 гг. — выкладчык малюнка і акварэлі на Архітэктурным факультэце БНТУ.

Творы мастака захоўваюцца ў Нацыянальным мастацкім музеі Беларусі, дзяржаўных літаратурных музэях Максіма Багдановіча, Янкі Купалы, Якуба Коласа і іншых установах.

Зноскі

Літаратура

Дубавец, С. Майстроўня. Гісторыя аднаго цуду / Сяргей Дубавец; фота А. Канцавога. — [Б. м.] : Радыё Свабодная Эўропа / Радыё Свабода, 2012, — 457 с.

Спасылкі

Персанальны сайт мастака Міколы Купавы
Orshatut.by. Дапамажы роднаму гораду стаць прыгажэйшым!
Купава Мікалай Мікалаевіч на сайце анлайн-энцыклапедыі «Беларусь у асобах і падзеях»

[1] Микола Купава: Своей акцией хочу подчеркнуть значимость Кастуся Калиновского в отечественной истории (руск.)

[2] .by

[1]

[2]