Мікола Равенскі

З пляцоўкі Вікіпедыя
Jump to navigation Jump to search
Мікола Равенскі
Дата нараджэння

5 снежня 1886(1886-12-05)

Месца нараджэння

Капланцы, Беларусь

Дата смерці

9 сакавіка 1953(1953-03-09) (66 гадоў)

Месца смерці

Бельгія

Музычная дзейнасць

Мікола (Мікалай Якаўлевіч) Равенскі (5 снежня 1886, маёнтак Капланцы Ігуменскага павета, цяпер Бярэзінскі раён Мінскай вобласці — 9 сакавіка 1953, Лёвен, Бельгія) — беларускі кампазітар, дырыжор, музычны крытык.

Біяграфічныя звесткі[правіць | правіць зыходнік]

Вучыўся на рэгенцкіх курсах у Маскве і Пецярбургу (1913-15), скончыў Маскоўскую кансерваторыю (1930). Працаваў рэгентам і настаўнікам спеваў у г. Навагрудак. 3 1919 у Мінску, кіраўнік хору пры Беларускім рабочым клубе, хормайстар гарадскога тэатра. 3 1930 выкладаў у музычным тэхнікуме, Беларускай кансерваторыі. Падчас нацысцкай акупацыі рэгент царкоўнага хору ў г. Чэрвень (Ігумен). 3 1944 у Германіі, з 1950 у Бельгіі, у Лювенскім універсітэце стварыў студэнцкі ансамбль беларускай музыкі.

Творчасць[правіць | правіць зыходнік]

Аўтар апрацовак беларускіх народных песень і песень на вершы М. Багдановіча («Слуцкія ткачыхі» і інш.), Я. Купалы, Я. Коласа («Мой родны кут», «Край наш бедны» і інш.), К. Буйло (гістарычная сюіта «Курган» паводле аднайменнага верша), Ц. Гартнага, З. Бядулі, якія часткова ўвайшлі ў яго «Зборнік песень з нотамі» (1922), беларускай оперы «Браніслава» (лібрэта У. Дубоўкі; не завершана), беларускай аперэты «Залёты» (паводле В. Дуніна-Марцінкевіча), музыкі на тэксты царкоўных малітваў, у т.л. «Магутны Божа» (на словы Н. Арсенневай). Кампанаваў рэлігійную музыку. Падрыхтаваў працу «Характэрныя рысы беларускай народнай песні» (засталася ў рукапісе).

У канцы жыцця кіраваў хорам беларускіх студэнтаў у Бельгіі (на гэтай пасадзе яго змяніў Канстанцін Кіслы), з ім даў многа канцэртаў у краінах Заходняй Еўропы.

Бібліяграфія[правіць | правіць зыходнік]

  • Жыцьцяпіс // Спадчына. 2000. № 4.

Зноскі

Літаратура[правіць | правіць зыходнік]

  • Дубоўка У. Беларускі кампазітар Мікола Равенскі // Узвышша. 1928. № 3;
  • Адамовіч А. Лірнік краіны ветлай: (3 успамінаў пра Міколу Равенскага) // Бел. моладзь. 1961. № 12; 1962. № 1. 3, 4, 6; 1963. № 17;
  • Мдзівані Т., Сергіенка Р. Кампазітары Беларусі, Мн., 1997;
  • Скорабагатааў В. Зайгралі спадчынныя куранты. Мн., 1998;
  • Беларускія рэлігійныя дзеячы XX ст.: Жыццярысы, мартыралогія, успаміны. Мн.; Мюнхен, 1999;
  • Календарыюм // «Czasopis» № 12/2006.
  • Равенскі Мікола. Жыцьцяпіс // Беларуская мэмуарыстыка на эміграцыі. Нью-Ёрк, 1999. С. 193-197. // на pawet.net