Мікіта Мелказёраў

Мікіта Мелказёраў
Мікіта Мелказёраў
Дата нараджэння	14 жніўня 1988 (36 гадоў)
Месца нараджэння	Хабараўск, Хабараўскі край, РСФСР, СССР;
Род дзейнасці	журналіст, блогер
Канал на YouTube
Назва канала	жыццё-маліна
Падпісанты	112 тыс. (верасень 2022)
Прагляды	16,5 млн (верасень 2022)
Сетка	Mediacube

Мікіта Мелказёраў (нар. 14 жніўня 1988, Хабараўск, Расія) — беларускі журналіст, блогер, найбольш вядомы як аўтар і вядоўца ютуб-канала «Жыццё-маліна».

Біяграфія

У 5 гадоў маці адправіла яго ў Мінск да дзядулі з бабуляй, праз год вярнулася ў Беларусь сама. Пра стасункі з бацькам і расійскімі сваякамі казаў наступнае: «З бацькам мы апошні раз стэлефаноўваліся, калі мне гадоў 11 было. Трэба быў дазвол на выезд за мяжу, і мама сказала: ну табе ж ён патрэбен, таму ты і тэлефануй. Цяпер з хабараўскіх сваякоў я маю зносіны толькі з бабуляй — яна ў мяне вельмі крутая — Марсэльеза Серапіёнаўна, дырэктарка дзіцячага садку, у які я хадзіў»^[3].

У 2012 годзе скончыў журфак БДУ.

Сваю кар’еру Мікіта пачынаў як спартыўны журналіст. Працаваў у газеце «Всё про футбол», на інтэрнэт-партале «Трыбуна», затым перайшоў на Onliner.by.

3 чэрвеня 2021 года, калі сілавікі затрымалі аўтара ютуб-праекта «Чеснок» Аляксандра Івуліна, зразумеў, што яму небяспечна заставацца ў Беларусі і хутка з’ехаў. Пра падрабязнасці жыцця ў эміграцыі даваў інтэрв’ю папулярнаму расійскаму ютуб-блогеру Юрыю Дудзю^[4].

У жніўні 2021 года трапіў у скандал з беларускай мовай: Мікіта на сваёй старонцы аб’явіў чэлендж — калі на яго Instagram падпішуцца 30 тысяч чалавек, ён запіша выпуск па-беларуску. Многія падпісанты абурыліся, што для кантэнту на роднай мове выстаўляюцца нейкія ўмовы. Пасля гэтай сітуацыі ён актыўна пачаў вывучаць і размаўляць усюды па-беларуску, аб чым ён таксама расказвае зараз на сваёй старонцы ў Instagram ^[5].

Інтэрнэт дзейнасць

У 2019 годзе стаў вядоўцам ютуб-праекта MelkazeRaw, дзе браў інтэрв’ю ў спартсменаў^[6].

Летам 2020 года на ютубе запусціў новы канал пад назвай «жыццё-маліна», дзе публікуе інтэрв’ю з самымі рознымі беларусамі — ад дзеячаў культуры да палітыкаў. Гасцямі выпускаў сталі такія грамадскія дзеячы як Зянон Пазняк, Святлана Ціханоўская, Павел Латушка, Сяргей Чалы, Арцём Шрайбман, Маргарыта Ляўчук, Кацярына Ваданосава, Дзмітрый Крук і іншыя.

У 2022 годзе запусціў відэа-падкаст Slodky Stony, дзе ў вольнай форме з гасцямі абмяркоўвае выключна Беларусь^[7]. Выйшла пяць выпускаў: іх героямі сталі Наста Касцюгава, Таццяна Курбат, Андрэй Стрыжак, Максім Жбанкоў і Ніна Шыдлоўская.

25 красавіка 2022 года суд Цэнтральнага раёна Мінска прызнаў тэлеграм-канал, чат і лагатып канала «жыццё-маліна» «экстрэмісцкімі матэрыяламі»^[8]. Таксама асобна прызнаны экстрэмісцкім матэрыялам выпуск праграмы з удзелам ксяндза Вячаслава Барка, рашэнне прынята судом Расонскага раёна 14 кастрычніка 2022 года^[9].

У 2025 годзе праект абвясцілі экстрэмісцкім фарміраваннем^[10].

Зноскі

Спасылкі

[_35d79dd1b0252648-1] ttps://vk.com/melkaziorau

[_46a906bdaf0cdca0-2] ttps://nashaniva.com/?c=ar&i=267366&lang=ru

[3] Самы папулярны ютуб-блогер Беларусі Мікіта Мелказёраў шчыра пра адмову ад алкаголю, знаёмствы ў інтэрнэце і журналістыку (нявызн.). Наша Ніва.

[4] Рыдал в Стамбуле, видел тихарей за границей, готов убить за кофе в Минске. Друг Ивулина и лучший интервьюер Беларуси рассказал Дудю о вынужденной эмиграции (руск.). Трыбуна.

[5] «З такім аб’ёмам хэйту сутыкнуўся ўпершыню». Мелказёраў паабяцаў за падпіску выпусціць відэа па-беларуску — і атрымаў шмат крытыкі (нявызн.). Наша Ніва.

[6] Мелкозеров теперь тоже на YouTube. Признайтесь, вы скучали по его интервью (руск.). Трыбуна.

[7] Мікіта Мелказёраў запусціў відэа-падкаст па-беларуску з інтрыгоўнай назвай (нявызн.). Наша Ніва.

[8] Хроніка палітычнага пераследу 29 красавіка-2 траўня (нявызн.). Праваабарончы цэнтр «Вясна».

[9] Выпуск «жизнь-малина» с ксендзом Барком признан экстремистским (руск.). Reform.news.

[10] Праект «Жыццё-маліна» прызналі экстрэмісцкім фармаваннем (нявызн.). Наша Ніва.

[1]

[2]

[3]

[4]

[5]

[6]

[7]

[8]

[9]

[10]

У сацыяльных сетках	VK · Facebook
Фота, відэа і аўдыё	Instagram