Мікіта Міхайлавіч Нікалаевіч

З Вікіпедыі, свабоднай энцыклапедыі
Футбол
Мікіта Нікалаевіч
Поўнае імя Мікіта Міхайлавіч Нікалаевіч
Нарадзіўся 11 верасня 1997(1997-09-11)[1] (26 гадоў)
Грамадзянства  Беларусь
Рост 183 см
Вага 71 кг[2]
Пазіцыя паўабаронца
Інфармацыя пра клуб
Клуб няма
Клубная кар’ера[* 1]
2014—2018 Беларусь Мінск 32 (2)
2019—2021 Беларусь Тарпеда-БелАЗ (Жодзіна) 73 (6)
2022 Балгарыя Славія (Сафія) 5 (0)
2022 Харватыя Дугаполе 8 (0)
2023 Беларусь Шахцёр (Салігорск) 14 (1)
Нацыянальная зборная[* 2]
2013 Беларусь Беларусь (да 17) 2 (0)
2017 Беларусь Беларусь (да 21) 1 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 сакавіка 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 18 лютага 2018

Мікіта Нікалаевіч (нар. 11 верасня 1997, Салігорск) — беларускі футбаліст, паўабаронца.

Клубная кар’ера[правіць | правіць зыходнік]

Выхаванец футбольнага клуба «Мінск», з 2014 года пачаў выступаць за дубль і хутка замацаваўся ў яго складзе. Увосень 2015 года гуляў за «Мінск» у Юнацкай лізе УЕФА. У сезоне 2016 стаў часам прыцягвацца да асноўнай каманды, але тады так і не дэбютаваў у афіцыйных матчах.

19 сакавіка 2017 года дэбютаваў у асноўнай камандзе «Мінска» ў матчы чвэрцьфіналу Кубка Беларусі супраць БАТЭ (1:2), выйшаўшы на замену на 84-й хвіліне. У Вышэйшай лізе дэбютаваў 15 чэрвеня 2017 года ў гасцявым матчы супраць гродзенскага «Нёмана» (1:3), выйшаўшы на замену ў другім тайме. Да канца сезона 2017 згуляў яшчэ ў 6 матчах, пераважна выходзячы на замену.

У студзені 2018 года падоўжыў кантракт з «Мінскам»[3]. Сезон 2018 пачынаў у дублі, неўзабаве стаў выхадзіць на замену ў асноўнай камандзе, а з ліпеня пачаў трывала з’яўляцца ў стартавым складзе.

У студзені 2019 года па заканчэнні кантракта пакінуў «Мінск»[4] і неўзабаве стаў іграком жодзінскага «Тарпеда-БелАЗ», падпісаўшы трохгадовы кантракт[5]. У жодзінскай камандзе рэгулярна з’яўляўлся на полі, але не меў трывалага месца ў аснове, звычайна чаргаваўся выхады ў стартавым складзе і на замену. У студзені 2022 года па заканчэнні кантракта пакінуў «Тарпеда-БелАЗ»[6].

У лютым 2022 года стаў іграком сафійскай «Славіі»[7]. У жніўні 2022 года пакінуў балгарскі клуб, а ў верасні далучыўся да харвацкага «Дугаполя»[8].

У красавіку 2023 года вярнуўся ў Беларусь, падпісаўшы кантракт з салігорскім «Шахцёрам»[9]. Пакінуў клуб па заканчэнні кантракта ў снежні 2023 года[10].

Міжнародная кар’ера[правіць | правіць зыходнік]

У кастрычніку 2013 года ў складзе юнацкай зборнай Беларусі (да 17) прымаў удзел у кваліфікацыйным раўндзе чэмпіянату Еўропы.

10 лістапада 2017 года дэбютаваў у моладзевай зборнай Беларусі, выйшаўшы ў стартавым складзе ў таварыскім матчы супраць Літвы (0:0).

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2014 дубль Мінск Беларусь 16 2
2015 дубль Мінск Беларусь 18 4
2016 дубль Мінск Беларусь 28 5
2017 Д1 Мінск Беларусь 7 0
2018 Д1 Мінск Беларусь 25 2
2019 Д1 Тарпеда-БелАЗ Беларусь 21 1
2020 Д1 Тарпеда-БелАЗ Беларусь 27 2
2021 Д1 Тарпеда-БелАЗ Беларусь 25 3
2021/22 (2) Д1 Славія Балгарыя 5 0
2022/23 (1) Д2 Дугаполе Харватыя 8 0
2023 Д1 Шахцёр Беларусь 14 1

Грамадзянская пазіцыя[правіць | правіць зыходнік]

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[11].

Крыніцы[правіць | правіць зыходнік]

  1. ↑ Nikita Nikolaevich // Transfermarkt — 2000. Праверана 9 кастрычніка 2017.
  2. ↑ https://teams.by/nikolaevich-nikita-mikhaylovich/player-41908/
  3. ↑ Футбол. Никита Николаевич продлил контракт с "Минском" (руск.)(недаступная спасылка). pressball.by (31 студзеня 2018). Архівавана з першакрыніцы 24 красавіка 2021. Праверана 18 лютага 2018.
  4. ↑ Лукашевич и Николаевич покинули "Минск" (руск.). football.by (21 студзеня 2019). Праверана 22 сакавіка 2024.
  5. ↑ Два игрока пополнили состав "Торпедо-БелАЗ" (руск.). football.by (22 студзеня 2019). Праверана 22 сакавіка 2024.
  6. ↑ Николаевич покинул "Торпедо-БелАЗ" (руск.). football.by (21 студзеня 2022). Праверана 22 сакавіка 2024.
  7. ↑ Экс-полузащитник "Торпедо-БелАЗ" Николаевич продолжит карьеру в Болгарии (руск.). football.by (19 лютага 2022). Праверана 22 сакавіка 2024.
  8. ↑ Никита Николаевич сменил болгарскую "Славию" на хорватское (руск.). football.by (8 верасня 2022). Праверана 22 сакавіка 2024.
  9. ↑ Футбол. Никита Николаевич подписал контракт с солигорским "Шахтером" (руск.)(недаступная спасылка). pressball.by (6 красавіка 2023). Архівавана з першакрыніцы 7 красавіка 2023. Праверана 7 красавіка 2023.
  10. ↑ "Шахтер" объявил о расставании с Плаккой, Николаевичем и Корзуном (руск.). football.by (31 снежня 2023). Праверана 22 сакавіка 2024.
  11. ↑ 93 беларускія футбалісты выступілі з асуджэннем гвалту ВІДЭА . Наша Ніва (12 верасня 2020). Праверана 22 сакавіка 2024.

Спасылкі[правіць | правіць зыходнік]

Узята з "https://be.wikipedia.org/w/index.php?title=Мікіта_Міхайлавіч_Нікалаевіч&oldid=4699134"