Мілаш Обіліч
| Мілаш Обіліч | |
|---|---|
| сербск.: Милош Обилић | |
 | |
| Дата нараджэння | каля 1350 |
| Дата смерці | 28 чэрвеня 1389 |
| Месца смерці | |
| Грамадзянства | |
| Прыналежнасць | Лазар Хрэбелянавіч |
| Званне | рыцар |
 Медыяфайлы на Вікісховішчы | |
Мілаш Обіліч, або Кабіліч (сербск.: Милош Обилић) — персанаж сербскага фальклору, які раніцай у дзень бітвы на Косавым полі (1389) закалоў турэцкага султана Мурада ў яго шатры. У сярэдневяковых крыніцах не згадваецца, само імя «Обіліч» упершыню зафіксавана ў XVIII стагоддзі.
Паводле падання ў яго канчатковай форме, Мілаш быў закатаваны па загадзе Баязіда тым самым днём разам з сербамі, захопленымі на Косавым полі. У асманскіх крыніцах сказана, што Мурад загінуў ад рукі сербскага воіна, які прыкінуўся мёртвым.
Паданне пра ордэн Дракона
[правіць | правіць зыходнік]Мілашу Обілічу ў народзе таксама прыпісваецца заснаванне ордэна Святога Георгія. Членамі ордэна нібыта былі дванаццаць рыцараў, а яго сімвалам служыў шчыт з выявай сонца з дванаццаццю прамянямі. Знакам адрознення членаў ордэна быў дракон, намаляваны на шлеме. Мілаш здзейсніў галоўную мэту ордэна, якая заключалася ў знішчэнні асманскага султана, пад выглядам дэзерціра прабраўшыся ў лагер туркаў. З рыцараў ордэна пасля бітвы нібы ацалеў толькі Стэфан Лазаравіч, якога ўдалося пераправіць у Венгрыю да караля Жыгімонта, які пасля і «адрадзіў» (насамрэч заснаваў) ордэн Дракона.
У рэчаіснасці ніякіх рыцарскіх ордэнаў у праваслаўных краінах не існавала. Рыцарскія ордэны належаць да свету каталіцкага Сярэднявечча.
Памяць
[правіць | правіць зыходнік]У гонар нацыянальнага героя Сербіі названы:
- Горад Обіліч у Косаве
- Футбольны клуб «Обіліч»
- стадыён у Сербіі
Зноскі
Спасылкі
[правіць | правіць зыходнік]
На Вікісховішчы ёсць медыяфайлы па тэме Мілаш Обіліч