Мілда — багіня кахання
| ||
| Казімір Альхімовіч | ||
| Багіня Мілда. 1910 | ||
| польск.: Bogini Milda | ||
| Матэрыял | Палатно | |
|---|---|---|
| Тэхніка | алей | |
| Памеры | 133 × 76 см | |
| Нацыянальны музей у Варшаве, Варшава | ||
| (інв. MP 4389 і MP 4389 MNW) | ||
«Мілда — багіня кахання»[1], або «Літоўская Венера» (польск.: Wenus Litewska) — жывапіснае палатно К. Альхімовіча, напісанае ў 1910 годзе. Захоўваецца ў Нацыянальным музеі ў Варшаве. Створана паводле паэтычнай трылогіі з гісторыі Літвы «Анафеляс»[1], якая была напісана Ю. Крашэўскім ў 1840—1845 гг.
За першы варыянт карціны, завершаны ў 1890 годзе[2], на мастацкім конкурсе імя Войцеха Герсана ў Варшаве ў тым жа годзе К. Альхімовіч атрымаў першую прэмію[1], у 1891 годзе залаты медаль у Берліне. Карціна была прададзена ў Нью-Ёрк у 1895 годзе[2]. Другі аўтарскі варыянт карціны быў напісаны ў 1910 годзе. У 1918 годзе была перададзена з калекцыі Вінцэнта Валеўскага (польск.: Wincenty Walewski) у Нацыянальны музей у Варшаве. Памер карціны — 133 × 76 см[3].
Апісанне[правіць | правіць зыходнік]
Мастак выбраў з паэтычнага твора адзін з самых запамінальных момантаў, калі багі караюць Мілду за каханне з чалавекам Ромам. Чароўная багіня стаіць на вострых каменнях пасярод разбушаванай стыхіі. Смела выкарыстоўваючы рамантычная выяўленчыя сродкі, К. Альхімовіч напаўняе палатно імклівым рухам, моцнымі перажываннямі. Палатно напоўнена бурнымі пачуццямі, рэзкая гульня святла і ценю, адкрытасць колераў падкрэсліваюць трывогу ў душы багіні-бунтаркі, нешчаслівай у сваім каханні[1].
Зноскі
- ↑ а б в г Марына Загідуліна. Казімір Альхімовіч як ілюстратар польскіх пісьменнікаў // Гісторыя, культуралогія, мастацтвазнаўства: Матэрыялы ІІІ Міжнар. кангрэса беларусістаў «Беларуская культура ў дыялогу цывілізацый» (Мінск, 21-25 мая, 4-7 снеж. 2000 г.). — Мн.: Беларускі кнігазбор, 2001. — ISBN 985-6638-35-6. Архівавана з першакрыніцы 7 кастрычніка 2008.
- ↑ а б ID: 235. Kazimierz ALCHIMOWICZ (1840—1916)
- ↑ Milda - akt kobiecy w pejzażu i wzburzonego morza. cyfrowe.mnw.art.pl