Мірт звычайны

Мірт звычайны
Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Міртакветныя Сямейства:  Міртавыя Падсямейства:  Myrtoideae Трыба:  Міртавыя Род:  Мірт Від:  Мірт звычайны
Міжнародная навуковая назва
Myrtus communis L., Sp. Pl. 1: 471 (1753)
Сінонімы
Myrtus italica (L.) Mill. ex Steud. Myrtus mucronata (L.) Pers. ex Steud.
Падвід
Myrtus communis subsp. tarentina (L.) Nyman
Сістэматыка на Віківідах Выявы на Вікісховішчы ITIS   506164 NCBI   119949 EOL   2508590 GRIN   t:24898 IPNI   599719-1 TPL   kew-132410

Мірт звыча́йны (Myrtus communis) — вечназялёная кветкавая расліна роду Мірт (Myrtus) сямейства Міртавыя (Myrtáceae).

Батанічнае апісанне

Кветкі

Плады

Паштовая марка Ізраіля

Невялікае дрэва або куст вышынёй да 3—4 метраў. Маладыя парасткі чатырохгранныя, злёгку валасістыя. Лісце супраціўнае, 2—5 см даўжынёй і 1—2 см шырынёй, цёмна-зялёнае, яйцападобна-ланцэтнае, скурыстае, з суцэльным краем. Кветкі з пяццю пялёсткамі, да 2 см у дыяметры, адзіночныя, белага колеру, духмяныя. Плод — ягада чорнага (цёмна-сіняга) колеру.

Арэал і экалогія

Мірт звычайны распаўсюджаны ў Паўднёвай Еўропе, Паўночнай Афрыцы, астравах Міжземнамор’я, Азорскіх астравах. Часта вырошчваецца як дэкаратыўная расліна ў рэгіёнах з субтрапічным кліматам. Святлолюбівая расліна. Сустракаецца ў падлесках дубовых і хваёвых лясоў, у хмызняковых зарасніках. Цвісці і пладаносіць пачынае ва ўзросце 4—5 гадоў. У прыродзе апыляецца насякомымі. Размнажаецца чаранкамі і насеннем.

Гаспадарчае значэнне

Дэкаратыўная расліна ў адкрытым грунце і ў хатніх умовах. У культуры з 1853 года. У лісці мірта звычайнага маюцца фітанцыды і да 0,5 % эфірнага алею, які выкарыстоўваецца ў медыцыне і парфумерыі.

Літаратура

• Мірт звыча́йны // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 390. — 588 с., іл. — 10 000 экз.
• Мірт // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 471. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
• Головкин Б. Н., Колобов Е. С., Костюченко Л. П. Мирт // Всё о комнатных растениях (руск.). — 4-е изд. — М.: Айриспресс, 2005. — С. 219—220. — 368 с. — 12 000 экз. — ISBN 5-8112-1143-0.
• Мирт — Myrthus L. (Миртовые — Myrtaceae) // Комнатные растения : Кн. для любителей-цветоводов : Справочник (руск.) / Б. Н. Головкин и др.; Под ред. Б. Н. Головкина. — М.: Лесная промышленность, 1989. — С. 242. — 429 с. — ISBN 5-7120-0178-0.
• Анненковъ Н. И. Ботаническій словарь. — СПб.: Имп. Академія наукъ, 1878. — С. 222.
• Ми́рт, мирта // Биологический энциклопедический словарь (руск.) / Гл. ред. М. С. Гиляров; Редкол.: А. А. Баев, Г. Г. Винберг, Г. А. Заварзин и др. — М.: Сов. энциклопедия, 1986. — С. 365. — 831 с. — 100 000 экз.