Іона IV

Іона IV
Ястрабец
мітрапаліт Кіеўскі, Галіцкі і ўсяе Русі 1568 — 1577
Папярэднік	Сільвестр Бялькевіч[d]
Пераемнік	Ілля (Куча)
епіскап пінскі і тураўскі[d] 1566 — 1568
Папярэднік	Макарый II[d]
Пераемнік	Макарый (Еўлашэўскі)[d]
Дзейнасць	святар
Смерць	1577
Дынастыя	Пратасовічы

Іона IV Пратасовіч-Астроўскі (? — 1577) — дзеяч праваслаўнай царквы Вялікага Княства Літоўскага.

Біяграфія

Паходзіў са шляхецкага роду Пратасовічаў герба «Ястрабец». Да прыняцця сану быў, відаць, каралеўскім дваранінам. Епіскап пінскі і тураўскі ў 1566—1568 гадах. Мітрапаліт кіеўскі, галіцкі і ўсяе Русі ў 1568—1577 гадах. Правіў у складаных умовах пачатку пранікнення езуітаў у Вялікага Княства Літоўскага і схілення імі буйных беларускіх феадалаў у каталіцтва. Клапаціўся аб упарадкаванні дзейнасці епархій. Атрымаў ад вялікага князя літоўскага і караля польскага Жыгімонта II Аўгуста граматы аб недатыкальнасці духоўных спраў і судоў. Дамагаўся забароны даваць епіскапскія кафедры і манастыры свецкім асобам, аднак, нягледзячы на абяцанні караля, гэта заганная з’ява ў царкоўным жыцці Вялікага Княства Літоўскага працягвалася. Беспаспяхова прасіў Жыгімонта II Аўгуста дазволіць праваслаўным іерархам засядаць у каралеўскай радзе побач з каталіцкімі біскупамі.

Калі састарэў, у 1576 годзе прызначыў правіць мітраполіяй Ілью Кучу, захаваўшы за сабой старшынства ўдухоўных справах.

Літаратура

• Юрый Бажэнаў. Іона IV // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.
• Макарий. История Русской церкви. СП6., 1879. Т. 9. С. 150—189;
• Мартoс А. Беларусь в исторической, государственной и церковной жизни. Мн., 1990. С. 128.