Мітымна

Горад
Мітымна
грэч. Μήθυμνα
39°22′08,60″ пн. ш. 26°10′28,70″ у. д.
Краіна	Грэцыя
Гісторыя і геаграфія
Першая згадка	7 стагоддзе да н.э.
Плошча	107,46 км²
Вышыня цэнтра	50,16 м
Тып клімату	міжземнаморскі клімат
Часавы пояс	UTC+2, летам UTC+3
Насельніцтва
Насельніцтва	1570 чалавек (2011)
Нацыянальны склад	грэкі
Канфесійны склад	праваслаўныя
Афіцыйная мова	грэчаская
Лічбавыя ідэнтыфікатары
Тэлефонны код	22530
Паштовы індэкс	81108
Аўтамабільны код	MY
Паказаць/схаваць карты
Мітымна
Медыяфайлы на Вікісховішчы

Мітымна (грэч. Μήθυμνα) — горад на поўначы грэчаскага вострава Лесбас. Насельніцтва (2011 г.) — 1 570 чалавек.

Асноўнай гістарычнай каштоўнасцю горада з'яўляецца візантыйская крэпасць Молібас (грэч. Μόλυβος). У даведніках для турыстаў горад часцяком называецца па найменню крэпасці.

Мітымна вядома з VII стагоддзя да н. э. як эалійскі поліс. Лічыцца, што назва паходзіць ад імя дачкі Макара, міфічнага старажытнага валадара Лесбаса. Поліс славіўся вытворчасцю віна, якое хвалілі Вергілій, Авідзій і Гален. У 336 — 251 гг. да н. э. у складзе Старажытнай Македоніі. У 250 — 130 гг. да н. э. — імперыі Пталемеяў. У 129 г. да н. э. заключаны саюз з Рымам.

Пасля падзелу Рымскай імперыі ў складзе Візантыі. У 520 г. створана асобная праваслаўная епархія Мітымны. Горад падвяргаўся частым нападам з боку мусульман і італьянскіх піратаў, таму ў 1084 г. быў абвешчаны валоданнем імператара, тут пачалося будаўніцтва крэпасці Молібас. Яна вытрывала некалькі аблог з боку генуэзцаў і турак, але ў 1462 г. захоплена асманамі. Да канца XVIII ст. заставалася важным ваенна-марскім цэнтрам Эгейскага мора.

З 1912 г. у складзе Грэцыі.

У нашы дні асноўныя гаспадарчыя заняткі мясцовых жыхароў — абслугоўванне турыстаў, вырошчванне маслін, кабатаж.

• 
  Рэшткі антычнай Мітымны
• 
  Молібас
• 
  Порт

Спасылкі

• На Вікісховішчы ёсць медыяфайлы па тэме Мітымна
• Μήθυμνα (Μόλυβος) Архівавана 12 жніўня 2020.
• Гісторыя і міфалогія