Міхась Маскалік

З пляцоўкі Вікіпедыя
Jump to navigation Jump to search
Міхась Маскалік

Адукацыя
Навуковая ступень доктар філалагічных навук
Нараджэнне 18 сакавіка 1903(1903-03-18)
Смерць 25 верасня 1965(1965-09-25) (62 гады)

Міха́сь Маска́лік (18 сакавіка 1903, Гарадзея25 верасня 1965, Гільдэсгайм, Германія) — каталіцкі святар усходняга абраду, рэлігійны і культурна-грамадскі дзеяч у Заходняй Германіі, удзельнік беларускага хрысціянскага руху 20 стагоддзя, душпастыр і педагог. Доктар філалогіі (1959).

Біяграфія[правіць | правіць зыходнік]

З 1927 па 1931 навучаўся ў Віленскім універсітэце імя Стэфана Баторыя. з'ехаў у Берлін на вучобу ў нямецкай Тэхнічнай школе разам з Анатолем Шкуткам. Але праз 2 гады пакінуў палітэхніку і з'ехаў у Мюнхен вывучаць тэалогію, атрымаўшы стыпендыю ад мітрапаліта А. Шаптыцкага[1]. У 1933 заснаваў «Саюз беларускіх студэнтаў у Германіі». Скончыў калегіум Св. Андрэя ў Мюнхене ў 1938, дзе вывучаў філасофію і тэалогію.

Высвячаны на святара 17 ліпеня 1938. На кароткі час вярнуўся ў Вільню, дзе ў касцёле Св. Мікалая адслужыў першую Св. Літургію.

Напярэдадні Другой сусветнай вайны вярнуўся ў Германію. У гады вайны выконваў святарскія абавязкі сярод беларускіх і ўкраінскіх ваеннапалонных польскай арміі ў Баварыі. У выніку непаразумення ў 1943 г. быў арыштаваны, некалькі месяцаў правёў у канцлагеры Заксенгаўзен. Вызвалены дзякуючы намаганням Папскай місіі ў Германіі. Кароткі час працаваў пры Візітатуры ў Берліне. Пазней праводзіў душпастырскую дзейнасць у г. Гільдэсгайм.

У пасляваенны час стала пасяліўся ў г. Гослар. Ініцыятар заснавання і кіраўнік Беларускай харытатыўнай службы, якая дапамагала беларускім і ўкраінскім бежанцам у Германіі. Праводзіў душпастырскую дзейнасць у парафіях Радэрборн, Оснабрук і Гільдэсгайм.

У 1959 у Мюнхенскім універсітэце абараніў доктарскую дысертацыю па беларускай літаратуры: «Янка Купала — пясняр беларускага народа» (Janka Kupala. Der Saenger des weissruthenischen Volkstum. München. 1961) была выдадзена на нямецкай мове ў 1961 як манаграфія.

Зноскі

Літаратура[правіць | правіць зыходнік]