Міхась Сенька

Міхась Сенька
Міхась Сенька
Асабістыя звесткі
Дата нараджэння	2 студзеня 1922
Месца нараджэння	Новы Свержань, гміна Свержань, Стаўбцоўскі павет, Навагрудскае ваяводства, Польская Рэспубліка;
Дата смерці	28 сакавіка 2016 (94 гады)
Месца смерці	Саўт-Рывер, акруга Мідлсекс, Нью-Джэрсі, ЗША;
Альма-матар	Беларуская гімназія імя М. Багдановіча[d];
Прафесійная дзейнасць
Род дзейнасці	грамадскі дзеяч
Грамадская дзейнасць
Член у	Саюз беларуска-амерыканскай моладзі; Беларускі кангрэсавы камітэт Амерыкі; Беларуская цэнтральная рада;

Міхась Сенька (2 студзеня 1922, Новы Свержань — 28 сакавіка 2016, Саўт-Рывер, ЗША) — дзеяч беларускай эміграцыі.

Біяграфія

Падчас нямецкай акупацыі вучыўся ў медыцынскай школе ў Баранавічах на фармацэўта, некаторы час быў загадчыкам аптэкі ў Стоўбцах.

Пасля вайны жыў у беларускім лагеры ў Ватэнштэце (Ніжняя Саксонія), скончыў беларускую гімназію імя Максіма Багдановіча, браў актыўны ўдзел у скаўтынгу.

У 1949 годзе выехаў у ЗША, пасяліўся ў Саўт-Рыверы (Нью-Джэрсі). Вельмі шмат зрабіў для запросінаў беларускіх уцекачоў у Саўт-Рывер і далейшай разбудовы ў ім беларускага жыцця.

Сенька, Лянгіна Брылеўская, Барыс Кіт, іншыя актывісты афармлялі страхоўкі і запрашэнні беларусам, перацягваючы іх у ЗША. У доме Сенькі па Херман-стрыт, 24 нашы суайчыннікі на некалькі дзён знаходзілі свой часовы прытулак.

У Нью-Джэрсі Міхась Сенька працаваў на заводзе «Форд», а ўвесь вольны час займаўся грамадскай працай: быў старшынёй Аб’яднання беларуска-амерыканскай моладзі, сакратаром Беларускага кангрэсавага камітэта Амерыкі, уваходзіў у царкоўную раду парафіі Св. Ефрасінні Полацкай, радным БЦР. Увогуле яго кватэра была «штабам» для многіх беларускіх арганізацый у Нью-Джэрсі^[1].

За ўсёй такой працай не было часу на асабістае жыццё. Ажаніўся Міхась Сенька досыць позна — у 73 гады — з Валянцінай Палюховіч. Іх гасцінны дом на Уотз-стрыт заўсёды прымаў гасцей, а самі Сенькі заўсёды трымаліся беларускага жыцця і былі актывістамі беларускага праваслаўнага прыходу.

Яго брат Уладзімір Сенька — беларускі ваенна-палітычны дзеяч і публіцыст, калабарацыяніст, дзеяч эміграцыі.

Зноскі

↑ У ЗША памёр грамадскі актывіст Міхась Сенька, Наша Ніва, 29-03-2016

[1] У ЗША памёр грамадскі актывіст Міхась Сенька, Наша Ніва, 29-03-2016

[1]