Міхаіл Іванавіч Аўсяннікаў

Міхаіл Іванавіч Аўсяннікаў
Дата нараджэння	1 студзеня 1924(1924-01-01)
Месца нараджэння	Адэса, Адэская акруга[d], Адэская губерня, УССР, СССР
Дата смерці	1985
Месца смерці	Гродна, Гродзенская вобласць, БССР, СССР
Грамадзянства	СССР
Род дзейнасці	навуковец
Навуковая сфера	отарыналарынгалогія
Месца працы	Гродзенскі медыцынскі інстытут
Навуковая ступень	доктар медыцынскіх навук (1972)
Навуковае званне	прафесар
Альма-матар	Адэскі медыцынскі інстытут (1948)
Узнагароды

Міхаіл Іванавіч Аўсяннікаў (1 студзеня 1924, Адэса — 1985, Гродна) — отарыналарынголаг, доктар медыцынскіх навук (1972), прафесар (1974). Удзельнік Вялікай Айчыннай вайны.

Біяграфія

Скончыў Адэскі медыцынскі інстытут (1948). Старэйшы навуковы супрацоўнік ЛОР-клінікі Адэскага НДІ сухотаў (1951—1956). Асістэнт ЛОР-кафедраў інстытутаў удасканалення ўрачоў у Запарожжы і Кіеве (1956—1964). Загадчык кафедры ЛОР-хвароб Гродзенскага медыцынскага інстытута (1964—1985).

Навуковая дзейнасць

Ім упершыню ў СССР распрацавана і ўкаранёна ў практыку методыка мастаідапластыкі злучальна-тканым ласкутом. М. І. Аўсяннікаў абараніў доктарскую дысертацыю на тэму: «Хірургічнае лячэнне хворых хранічным гнойным сярэднім атытам». Ён укараніў пластычныя аперацыі пры заганах развіцця вушной ракавіны, цвёрдага неба, распрацаваў метады касметычных і пластычных аперацый носа і вушной ракавіны, кансерватыўных і аператыўных метадаў лячэння захворванняў ЛОР-органаў, арганізаваў працу абласнога навуковага грамадства оталарынголагаў. Пад яго кіраўніцтвам абаронены 3 кандыдацкія дысертацыі, апублікавана звыш 60 навуковых прац, атрымана 2 аўтарскіх пасведчанні на вынаходствы.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 338. — 10 000 экз. — ISBN 985-11-0035-8. — ISBN 985-11-0036-6 (т. 1).