Міхаіл Іосіфавіч Эрдман

Міхаіл Іосіфавіч Эрдман
Міхаіл Іосіфавіч Эрдман
Дата нараджэння	1886
Месца нараджэння	Усушак, Быхаўскі павет, Магілёўская губерня, Расійская імперыя;
Дата смерці	невядома
Месца пахавання	Чыжоўскія могілкі;
Грамадзянства	БССР;
Бацька	Іосіф Антонавіч Эрдман[d]
Дзеці	Эмір Міхайлавіч Эрдман[d]
Род дзейнасці	навуковец
Месца працы	Магілёўскі інстытут свінаводства[d]; Віцебскі ветэрынарны інстытут; Клімавіцкі дзяржаўны аграрны каледж;
Узнагароды	;

Міхаіл Іосіфавіч Э́рдман (нар. 1886, в. Усушак, Быхаўскі павет, Магілёўская губерня — ?) — беларускі навуковец і дзяржаўны дзеяч.

Біяграфія

Міхаіл Іосіфавіч Эрдман нарадзіўся ў 1886 годзе ў в. Усушак Быхаўскага павета Магілёўскай губерні^[1]. Паходзіў са старажытнага шляхецкага роду Эрдманаў герба «Гербут» нямецкага паходжання.

Браў удзел у ваенных дзеяннях у час Першай сусветнай вайны. У 1917 годзе, пасля ранення на фронце, быў шпіталяваны, вярнуўся дадому, дзе ўступіў у шэрагі краснагвардзійскага атрада ў Чавусах^[1].

У 1918 годзе прыняты ў партыю і ў маі 1919 года па першай партыйнай мабілізацыі зноў сышоў на фронт, дзе ўдзельнічаў у наступе на Варшаву і, у сувязі з раненнем, быў адпушчаны дадому. Пасля выздараўлення павятовы ваенкамат, праз павятовы камітэт партыі, накіраваў яго на працу ў міліцыю^[1].

Прымаў непасрэдны ўдзел у барацьбе з бандытызмам, узначальваючы атрады ў гг. Быхаве, Рэчыцы. У 1922—1923 гадах начальнік Чавускай павятовай міліцыі^[2]. У 1923 годзе працягваў барацьбу з бандытызмам, узначальваючы Клімавіцкую міліцыю^[1]. Узначальваў аперацыю па ліквідацыі банды з 18 чалавек на чале з дэзерцірам Клыпчанкам, якая забівала актывістаў Савецкай улады, рабавала, тэрарызавала мясцовых жыхароў^[3].

У 1924 годзе М. І. Эрдман з’яўляўся начальнікам Слуцкай акруговай міліцыі. Праз стан здароўя, падарванага двума раненнямі ў час ваенных дзеянняў, у 1925 годзе прыняў рашэнне аб сыходзе з міліцыі^[1].

У далейшым ён займаўся навуковай дзейнасцю, працаваў на выкладчыцкіх і кіруючых пасадах у розных вышэйшых і сярэдніх спецыяльных навучальных установах СССР^[1]. Да 1933 года ўзначальваў Магілёўскі інстытут свінагадоўлі, у 1933—1936 гадах — Віцебскі ветэрынарна-заатэхнічны інстытут^[4], Клімавіцкі пчалярскі тэхнікум^[5].

Удзельнік Вялікай Айчыннай вайны^[1].

Пахаваны на Чыжоўскіх могілках.

Узнагароды

Узнагароджаны ордэнам Працоўнага Чырвонага Сцяга, Ганаровай граматай Вярхоўнага Савета БССР, медалямі «За абарону Масквы», «За перамогу над Японіяй» і іншымі^[1].

Сям’я

У шлюбе з Рунцавай, ад якой меў дачку Юлію і сына Эміра.

Зноскі

↑ ^а ^б ^в ^г ^д ^е ^ё ^ж История Слуцкого РОВД Архівавана 2 лістапада 2018.
↑ 31 января — 100 лет со Дня образования Чаусской милиции!(недаступная спасылка)
↑ Поздравляем Климовичскую милицию со 100-летним юбилеем со Дня образования! Архівавана 22 снежня 2018.
↑ История учреждения образования «Витебская ордена „Знак Почета“ государственная академия ветеринарной медицины»
↑ Клімавіцкаму аграрнаму каледжу — 80!

[minsk-region-1] а ^б ^в ^г ^д ^е ^ё ^ж История Слуцкого РОВД Архівавана 2 лістапада 2018.

[mogohrana1-2] 31 января — 100 лет со Дня образования Чаусской милиции!(недаступная спасылка)

[uvd-3] Поздравляем Климовичскую милицию со 100-летним юбилеем со Дня образования! Архівавана 22 снежня 2018.

[4] История учреждения образования «Витебская ордена „Знак Почета“ государственная академия ветеринарной медицины»

[rodniva-5] Клімавіцкаму аграрнаму каледжу — 80!

[1]

[2]

[3]

[4]

[5]