Міхаіл Іосіфавіч Эрдман

З пляцоўкі Вікіпедыя
Jump to navigation Jump to search
Міхаіл Іосіфавіч Эрдман
Дата нараджэння 1886
Месца нараджэння
Дата смерці невядома
Месца працы
Узнагароды і прэміі

Міхаіл Іосіфавіч Э́рдман (нар. 1886, в. Усушак, Быхаўскі павет, Магілёўская губерня — ?) — беларускі навуковец і дзяржаўны дзеяч.

Біяграфія[правіць | правіць зыходнік]

Міхаіл Іосіфавіч Эрдман нарадзіўся ў 1886 годзе ў в. Усушак Быхаўскага павета Магілёўскай губерні[1]. Паходзіў са старажытнага шляхецкага роду Эрдманаў герба «Гербут» нямецкага паходжання.

Браў удзел у ваенных дзеяннях у час Першай сусветнай вайны. У 1917 годзе, пасля ранення на фронце, быў шпіталяваны, вярнуўся дадому, дзе ўступіў у шэрагі краснагвардзійскага атрада ў Чавусах[1].

У 1918 годзе прыняты ў партыю і ў маі 1919 года па першай партыйнай мабілізацыі зноў сышоў на фронт, дзе ўдзельнічаў у наступе на Варшаву і, у сувязі з раненнем, быў адпушчаны дадому. Пасля выздараўлення павятовы ваенкамат, праз павятовы камітэт партыі, накіраваў яго на працу ў міліцыю[1].

Прымаў непасрэдны ўдзел у барацьбе з бандытызмам, узначальваючы атрады ў гг. Быхаве, Рэчыцы. У 19221923 гадах начальнік Чавускай павятовай міліцыі[2]. У 1923 годзе працягваў барацьбу з бандытызмам, узначальваючы Клімавіцкую міліцыю[1]. Узначальваў аперацыю па ліквідацыі банды з 18 чалавек на чале з дэзерцірам Клыпчанкам, якая забівала актывістаў Савецкай улады, рабавала, тэрарызавала мясцовых жыхароў[3].

У 1924 годзе М. І. Эрдман з’яўляўся начальнікам Слуцкай акруговай міліцыі. Праз стан здароўя, падарванага двума раненнямі ў час ваенных дзеянняў, у 1925 годзе прыняў рашэнне аб сыходзе з міліцыі[1].

У далейшым ён займаўся навуковай дзейнасцю, працаваў на выкладчыцкіх і кіруючых пасадах у розных вышэйшых і сярэдніх спецыяльных навучальных установах СССР[1]. Да 1933 года ўзначальваў Магілёўскі інстытут свінагадоўлі, у 19331936 гадах — Віцебскі ветэрынарна-заатэхнічны інстытут[4], Клімавіцкі пчалярскі тэхнікум[5].

Удзельнік Вялікай Айчыннай вайны[1].

Узнагароды[правіць | правіць зыходнік]

Узнагароджаны ордэнам Працоўнага Чырвонага Сцяга, Ганаровай граматай ВС БССР, медалямі «За абарону Масквы», «За перамогу над Японіяй» і іншымі[1].

Сям'я[правіць | правіць зыходнік]

У шлюбе з Рунцавай, ад якой меў дачку Юлію і сына Эміра.

Зноскі

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.