Міхаіл Васільевіч Аўдзееў (пісьменнік)

Міхаіл Васільевіч Аўдзееў (пісьменнік)
Асабістыя звесткі
Дата нараджэння:	28 верасня (10 кастрычніка) 1821
Месца нараджэння:	Арэнбург, Расійская імперыя
Дата смерці:	1 (13) лютага 1876 (54 гады)
Месца смерці:	Санкт-Пецярбург, Расійская імперыя
Пахаванне:	Літаратарскія масткі[d]
Грамадзянства:	Расійская імперыя
Альма-матар:	Пецярбургскі дзяржаўны ўніверсітэт шляхоў зносін
Літаратурная дзейнасць
Род дзейнасці:	раманіст, драматург, літаратурны крытык
Жанр:	апавяданне, аповесць і раман
Мова твораў:	руская мова

Міхаіл Васільевіч Аўдзееў (28 верасня (10 кастрычніка) 1821, Арэнбург — 1 (13) лютага 1876, Санкт-Пецярбург) — рускі пісьменнік і літаратурны крытык.

Біяграфія

Паходзіў са старажытнага і заможнага казацкага роду. Першапачатковую адукацыю атрымаў дома пад кіраўніцтвам Тамаша Зана, сасланага па справе філаматаў. Вучыўся ва Уфімскай гімназіі і ў Пецярбургскім інстытуце інжынераў шляхоў зносін.

Аўдзееў — сучаснік і паплечнік Тургенева, які карыстаўся значнай вядомасцю. Дэбютаваў у друку ў 1838 аповяданнем «Стальное кальцо». Асаблівую цікавасць выклікалі яго: «Тамарын» (1852), з яго новым тыпам дзелавога чалавека, ідучага на змену бліскучым, але нікчэмным Пячорыным, і «Падводны камень» (1860), які трактуе пытанні свабоднага кахання. Месца дзеяння раманаў Аўдзеева — дваранскія гнёзды з бясконцымі спрэчками герояў, выхаваных у ціхай утульнасці памешчычага жыцця і ва ўніверсітэцкіх кружках. Гэтыя новыя людзі справы слаба ўдаюцца пісьменніку; яго ідэі эмансіпацыі жанчын не ідуць далей свабоды палавых адносін. Варта адзначыць таксама кнігу «Наша грамадства ў героях і гераінях літаратуры за 50 гадоў (1820—1870)», выдадзеную ў 1874 і 1907.