Міхаіл Джавахішвілі

Міхаіл Джавахішвілі
груз. მიხეილ ჯავახიშვილი
Асабістыя звесткі
Імя пры нараджэнні	груз. მიხეილ საბას ძე ადამაშვილი
Дата нараджэння	8 (20) лістапада 1880
Месца нараджэння	Tserakvi[d], Тыфліская губерня[d], Расійская імперыя
Дата смерці	30 верасня 1937(1937-09-30) (56 гадоў)
Месца смерці	Тбілісі, Грузінская ССР, СССР
Грамадзянства	Расійская імперыя  Грузінская Дэмакратычная Рэспубліка  СССР
Прафесійная дзейнасць
Род дзейнасці	празаік, пісьменнік
Жанр	аповесць
Мова твораў	грузінская мова
Узнагароды
Медыяфайлы на Вікісховішчы

Міхаіл Джавахішвілі (груз. მიხეილ ჯავახიშვილი, 1880, Трыялеці — 30 верасня 1937) — грузінскі пісьменнік, перакладчык.

Біяграфія

Нарадзіўся ў сялянскай сям’і ў вёсцы Цэракві. Скончыў ў 1901 годзе вучылішча садоўніцтва і вінаградарства ў Ялце. Друкавацца пачаў у 1903 годзе. У 1906 годзе Джавахішвілі быў прыцягнуты да суда за артыкулы, накіраваныя супраць самадзяржаўя. Бег за мяжу, падарожнічаў па Еўропе і Амерыцы. У 1909 годзе Джавахішвілі з чужым пашпартам вярнуўся на радзіму. Выдаваў часопіс «Эры» («Нацыя»), за што быў судзімы і высланы за межы Каўказа.

Арыштаваны 14 жніўня 1937 года, яго катавалі ў прысутнасці Берыі пакуль ён не падпісаў «прызнанне». Расстраляны 30 верасня 1937 года. Яго маёмасць была канфіскавана, а яго архівы знішчаныя, яго брат расстраляны, а яго ўдава адпраўлена ў ссылку. Джавахішвілі заставаўся пад забаронай цэнзуры да канца 1950-х гадоў, калі ён быў рэабілітаваны, а яго творы перавыдадзеныя.

Раманы: «Квача Квачантырадзэ» (1924), «Джакос Хізнебі» (1925), «Белы каўнер» (1926), «Гіві Шадура» (1928), «Лёс жанчыны» (1936).

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).