Міхаіл Львовіч Співак

Міхаіл Львовіч Співак
Міхаіл Львовіч Співак
Дата нараджэння	6 снежня 1913
Месца нараджэння	Кіеў, Кіеўская губерня, Расійская імперыя;
Дата смерці	27 жніўня 1971 (57 гадоў)
Месца смерці	Мінск, БССР, СССР;
Грамадзянства	СССР;
Адукацыя	Вышэйшае тэатральнае вучылішча імя М. С. Шчэпкіна;
Прафесія	тэатральны рэжысёр
Тэатр	Нацыянальны акадэмічны драматычны тэатр імя Максіма Горкага; Малы тэатр; Цэнтральнае тэлебачанне Дзяржтэлерадыё СССР[d]; Акадэмічны рускі драматычны тэатр Узбекістана[d];
Узнагароды

Міхаіл Львовіч Співа́к^[1] (6 снежня 1913 — 27 жніўня 1971) — беларускі савецкі тэатральны рэжысёр, Заслужаны артыст Беларускай ССР (1959).

Біяграфія[правіць | правіць зыходнік]

Нарадзіўся ў Кіеве. У 1937 годзе скончыў Маскоўскае тэатральнае вучылішча імя М. С. Шчэпкіна (клас В. М. Пашэннай). Працаваў у тэатрах Масквы, у тым ліку ў Малым тэатры. З 1954 года працаваў у Дзяржаўным рускім тэатры БССР імя М. Горкага ў Мінску: рэжысёр, у 1960—1964 гадах — галоўны рэжысёр. У 1965—1968 гадах — галоўны рэжысёр Ташкенцкага рускага драматычнага тэатра імя М. Горкага. Таксама працаваў на Цэнтральным тэлебачанні Дзяржтэлерадыё СССР^[2].

Творчасць[правіць | правіць зыходнік]

Творчасці М. Л. Співака былі ўласцівы актыўнасць і самастойнасць творчай думкі^[2]. Быў майстрам манументальных сцэнічных палотнаў. Ён дасягаў пераканаўчага сінтэзу рэжысуры, сцэнаграфіі і акцёрскай гульні, дасканалай распрацоўкі масавых сцэн, скульптурнай распрацоўкі мізансцэн. У сваёй працы вельмі паважліва ставіўся да аўтарскага матэрыялу і ўмеў разумна падпарадкаваць творчую фантазію ідэі драматурга^[2].

Сярод пастановак, створаных М. Л. Співаком у Дзяржаўным рускім драматычным тэатры БССР

«Мёртвая хватка» Дж. Галсуорсі (1956)
«Гандляры славай» М. Паньёля і П. Нівуа (1956)
«Аптымістычная трагедыя» У. Вішнеўскага (1957)
«Барабаншчыца» А. Салынскага (1959)
«Улада цьмы» Л. М. Талстога (1960)
«Дзень нараджэння Тэрэзы» Г. Мдывані (1962)
«Узнятая цаліна» паводле рамана М. Шолахава (1963)

У час працы ў Ташкенцкім рускім драматычным тэатры М. Л. Співак паставіў такія спектаклі, як «Полк ідзе…» па раману М. Шолахава, «Яны змагаліся за Радзіму» (1965), «Цяжкае абвінавачванне» Л. Шэйніна (1967) і інш.^[2]

Аўтар эстраднага агляду (сумесна з Л. Якубовічам) «Ад Алімпіі да Лужнікоў» на Цэнтральным тэлебачанні^[2].

Зноскі

↑ БелЭн 2002.
↑ ^а ^б ^в ^г ^д Спивак Михаил Львович (руск.) / Сайт ДУ «Нацыянальны акадэмічны драматычны тэатр імя М. Горкага»

Літаратура[правіць | правіць зыходнік]

Савіцкая А. А. Співак Міхаіл Львовіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 113. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі[правіць | правіць зыходнік]

Співак Міхаіл Львовіч на сайце анлайн-энцыклапедыі «Беларусь у асобах і падзеях»
Спивак Михаил Львович (руск.) / Сайт ДУ «Нацыянальны акадэмічны драматычны тэатр імя М. Горкага»

[FOOTNOTEБелЭн2002-1] БелЭн 2002.

[Тэатр-2] а ^б ^в ^г ^д Спивак Михаил Львович (руск.) / Сайт ДУ «Нацыянальны акадэмічны драматычны тэатр імя М. Горкага»

[1]

[2]