Міхаіл Міхайлавіч Пікулік

Міхаіл Міхайлавіч Пікулік
Міхаіл Міхайлавіч Пікулік
Дата нараджэння	19 красавіка 1948
Месца нараджэння	Чэрвень, Чэрвеньскі раён, Мінская вобласць, БССР, СССР;
Дата смерці	24 студзеня 2006 (57 гадоў)
Род дзейнасці	заолаг
Навуковая сфера	заалогія і экалогія
Месца працы	Інстытут заалогіі НАН Беларусі; БДПУ;
Навуковая ступень	доктар біялагічных навук (1993)
Навуковае званне	член-карэспандэнт НАН Беларусі (1994); прафесар;
Альма-матар	Мінскі дзяржаўны педагагічны інстытут імя А. М. Горкага (1971);

Міхаіл Міхайлавіч Пікулік (19 красавіка 1948, Чэрвень (горад) Мінскай вобласці — 24 студзеня 2006) — беларускі вучоны ў галіне заалогіі і экалогіі. Член-карэспандэнт Нацыянальнай АН Беларусі (1994), доктар біялагічных навук (1993).

Біяграфія[правіць | правіць зыходнік]

Скончыў Мінскі педагагічны інстытут (1971). З 1976 года ў Інстытуце заалогіі Нацыянальнай АН Беларусі (з 1985 года намеснік дырэктара, з 1995 года дырэктар), адначасова з 1997 года ў Беларускім педагагічным універсітэце, загадчык кафедры, прафесар (1998).

Навуковая дзейнасць[правіць | правіць зыходнік]

Навуковыя працы па герпеталогіі, ландшафтнай экалогіі жывёл, унутрывідавой зменлівасці, біягеацэналогіі, праблемах аховы і рацыянальнага выкарыстання біялагічнай разнастайнасці. Распрацаваў асноўныя палажэнні ландшафтнай герпеталогіі, абгрунтаваў новыя падыходы да комплекснага выкарыстання герпетафауны ў экалагічным маніторынгу. Правёў даследаванні па дынаміцы фауны і стане зоацэнозаў у прыродных і антрапагенных ландшафтах Беларусі, выяўленні ролі мазаічнасці ландшафтаў і рознатыповых экатонаў, наступстваў аварыі на Чарнобыльскай АЭС у фарміраванні біялагічнай разнастайнасці дзікай фауны.

Выбраная бібліяграфія[правіць | правіць зыходнік]

Земноводные Белоруссии. Мн., 1985;
Пресмыкающиеся Белоруссии. Мн., 1988 (разам з В. Бахаравым, С. Косавым);
Совершенствование принципов и методов охраны и рационального использования животного мира. Мн., 1990 (разам з Л. Сушчэнем);
Навошта нам амфібіі? Мн.: Навука і тэхніка, 1992. ISBN 5-343-00383-4;
Животный мир в зоне аварии Чернобыльской АЭС. Мн., 1995 (у сааўт.);
Атлас наземных пазваночных. Мн., 1996 (у сааўт.).

Спасылкі[правіць | правіць зыходнік]

Міхаіл Міхайлавіч Пікулік у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)