Міхаіл Уладзіміравіч Мясніковіч

Міхаіл Уладзіміравіч Мясніковіч
6-ы Старшыня Савета Рэспублікі Нацыянальнага сходу Беларусі
16 студзеня 2015 — 4 снежня 2019
Папярэднік	Анатоль Рубінаў
Пераемнік	Наталля Качанава
7-ы Прэм’ер-міністр Беларусі
28 снежня 2010 — 27 снежня 2014
Прэзідэнт	Аляксандр Лукашэнка
Папярэднік	Сяргей Сідорскі
Пераемнік	Андрэй Кабякоў
1-ы Старшыня Прэзідыума Нацыянальнай акадэміі навук Беларусі
26 кастрычніка 2004 — снежань 2012
Папярэднік	пасада зацверджаная; ён сам як прэзідэнт НАНБ
Пераемнік	Анатоль Русецкі
12-ы Прэзідэнт Нацыянальнай акадэміі навук Беларусі
19 кастрычніка 2001 — 26 кастрычніка 2004
Папярэднік	Аляксандр Вайтовіч
Пераемнік	пасада скасаваная; ён сам як старшыня Прэзідыума НАНБ
Міністр камунальнай гаспадаркі БССР
1986 — 1990
Прэм’ер-міністр	Міхаіл Кавалёў
Партыя	КПСС
Адукацыя	Брэсцкі дзяржаўны тэхнічны ўніверсітэт (1972) Мінская вышэйшая партыйная школа пры ЦК КПБ (1989)
Навуковая ступень	доктар эканамічных навук
Дзейнасць	палітык, інжынер, эканаміст
Веравызнанне	Беларуская Праваслаўная Царква
Нараджэнне	6 мая 1950(1950-05-06) (69 гадоў) Новы Сноў, Сноўскі сельсавет, Нясвіжскі раён, Баранавіцкая вобласць, БССР, СССР
Узнагароды

Міхаі́л Уладзі́міравіч Мясніко́віч (нар. 6 мая 1950, в. Новы Сноў Нясвіжскі раён, Мінская вобласць) — беларускі палітык і эканаміст. Член-карэспандэнт Нацыянальнай акадэміі навук Беларусі (2009), доктар эканамічных навук (1998), прафесар (2003).

Біяграфія

Скончыў Брэсцкі інжынерна-будаўнічы інстытут (1972). Ад 1972 да 1973 г. служыў у савецкім войску. Ад 1973 да 1983 г. працаваў у «Мінскводаканале» і Упраўленні прадпрыемстваў камунальнага абслугоўвання Мінгарвыканкама. Працаваў інжынерам.

З 1983 да 1984 г. быў кіраўніком выканаўчага камітэта Савецкага раённага Савета народных дэпутатаў Мінска, а ад 1984 да 1985 г. намеснікам старшыні выканаўчага камітэта Мінскага гарадскога Савета народных дэпутатаў.

У 1985—1986 гг. быў сакратаром Мінскага гаркама КПБ. Ад 1986 да 1991 г. уваходзіў у склад Міністэрства ЖКГ БССР і Камітэта БССР па эканоміцы і планаванні. У 1986—1990 быў Міністрам камунальнай гаспадаркі БССР. З 1990 быў намеснікам старшыні Савета Міністраў БССР, з 1994 года — намеснікам Прэм’ер-міністра Рэспублікі Беларусь.

У 1991—1994 гг. быў віцэ-прэм’ерам. З 10 кастрычніка 1995 да 12 верасня 2001 быў кіраўніком Адміністрацыі Прэзідэнта Рэспублікі Беларусь. З 19 кастрычніка 2001 — кіраўнік Нацыянальнай Акадэміі навук Беларусі: найперш прэзідэнт, а з 26 кастрычніка 2004 па 28 снежня 2010 — старшыня Прэзідыума.

28 красавіка 2000 узнагароджаны Ганаровай граматай Нацыянальнага сходу Рэспублікі Беларусь.

Аўтар шматлікіх публікацый па эканоміцы.

З 28 снежня 2010 года па 27 снежня 2014 года — Прэм’ер-міністр Беларусі.

16 студзеня 2015 года абраны старшынёй Савета Рэспублікі Нацыянальнага сходу Рэспублікі Беларусь. Заставаўся на пасадзе да снежня 2019 года.

Асноўныя працы

• Формирование финансово-промышленных групп в переходных экономиках (на примере Республики Беларусь и Российской Федерации). СПб., 1997.
• Республика Беларусь на пути к новой экономике. Мн.: Беларуская навука, 2009.
• Republic of Belarus: Macroeconomics, Innovation, Economic Security. Minsk: Bel.Navuka, 2010.

Гл. таксама

• Кабінет Мясніковіча
• Спіс старшынь Прэзідыума Нацыянальнай акадэміі навук Беларусі

Спасылкі

• Премьер-министр Республики Беларусь Мясникович Михаил Владимирович (2013)
• Прэзідэнты НАНБ з 1928 года — МЯСНІКОВІЧ Міхаіл Уладзіміравіч
• Старонка на праекце BelarusProfile.