Надзея Мікалаеўна Каткавец

З пляцоўкі Вікіпедыя
Jump to navigation Jump to search
Надзея Мікалаеўна Каткавец
 
Адукацыя:
Нараджэнне: 29 верасня 1960(1960-09-29) (58 гадоў)

Надзея Мікалаеўна Каткавец (29 верасня 1960, Тышкавічы, Іванаўскі раён) — беларуская дзяржаўная дзеячка, адна з самых запамінальных беларускіх чыноўніц, намеснік кіраўніка спраў Прэзідэнта Рэспублікі Беларусь (2013—2017 гады).

Біяграфія[правіць | правіць зыходнік]

Нарадзілася 29 верасня 1960 года на Палессі, у вёсцы Тышкавічы Іванаўскага раёна. Пасля школы хацела паступаць на гістфак Брэсцкага педінстытута. У 1987 годзе скончыла Беларускую дзяржаўную сельскагаспадарчую акадэмію, у 2006 годзе — Акадэмію кіравання пры Прэзідэнце Рэспублікі Беларусь.

З 1983 па 1987 год займала пасаду эканаміста, галоўнага бухгалтара калгаса «Ленінскі шлях» Інжавінскага раёна Тамбоўскай вобласці.

З 1987 па 1995 год — галоўны эканаміст, старшыня кааператыва саўгаса «Гарадзец» Шклоўскага раёна Магілёўскай вобласці.

З 1995 па 2003 год — дырэктар Рэспубліканскага ўнітарнага эксперыментальна-вопытнага сельскагаспадарчага прадпрыемства «Усход» Кіраўніцтва справамі Прэзідэнта Рэспублікі Беларусь.

З 2003 па красавік 2012 года — першы намеснік Міністра сельскай гаспадаркі і харчавання Рэспублікі Беларусь.

З 23 красавіка 2012 года — Дырэктар Дэпартамента аграпрамысловай палітыкі Еўразійскай эканамічнай камісіі.

5 ліпеня 2013 года — 8 верасня 2017 года — намеснік кіраўніка спраў Прэзідэнта Рэспублікі Беларусь.

У 2017 годзе ўзначаліла назіральны савет «Парытэтбанка».

З канца 2017 года заняла пасаду намесніка генеральнага дырэктара Беларускай нацыянальнай біятэхналагічнай карпарацыі.

Узнагароджана Ганаровай граматай Савета Міністраў Рэспублікі Беларусь, дзвюма Ганаровымі граматамі Міністэрства сельскай гаспадаркі і харчавання Рэспублікі Беларусь за шматгадовую плённую працу і значны асабісты ўклад у развіццё аграпрамысловага комплексу.

Сям’я[правіць | правіць зыходнік]

Шматдзетная маці, мае чатырох сыноў.

Хобі[правіць | правіць зыходнік]

Любіць гісторыю, асабліва перыяду Вялікай Айчыннай вайны. У вольны час гатуе піражкі — з сасіскамі, варанай каўбасой, згушчонкай. А таксама даглядае некалькі дзясяткаў вялікіх гаршкоў з дэкаратыўнымі кветкамі. Сярод відаў спорту яна аддае перавагу баскетболу і скачкам у вышыню.

Цікавыя факты[правіць | правіць зыходнік]

Надзея Каткавец вядомая яркімі прамовамі, што сабралі дзясяткі тысяч праглядаў на ютубе[1] [2] [3]

Зноскі

Спасылкі[правіць | правіць зыходнік]