Нанэ Анан

Нанэ Анан
Род дзейнасці	мастачка, праваабаронца, юрыст
Дата нараджэння	1944
Месца нараджэння	Стакгольм, лен Стакгольм, Швецыя
Грамадзянства	Швецыя
Бацька	Gunnar Lagergren[d]
Маці	Nina Lagergren[d]
Муж	Кофі Анан
Узнагароды і прэміі	Torstein Dale Memorial Prize[d] (2002)
Медыяфайлы на Вікісховішчы

Нанэ Анан (шведск.: Nane Annan; 1944, Стакгольм, Швецыя) — шведская праваабаронца. Жонка сёмага Генеральнага сакратара Арганізацыі Аб’яднаных Нацый (ААН) Кофі Анана. Пляменніца шведскага дыпламата Рауля Валенберга.

Біяграфія

Злева направа: Кофі Анан, Нанэ Анан, Брэд Піт, Анджэліна Джалі. 26 студзеня 2006, Давос, Швейцарыя.

Нанэ Лагергрэн нарадзілася 1944 годзе ў Стакгольме, скончыла факультэт юрыспрудэнцыі ў Стакгольмскім універсітэце ў 1968 годзе.

У 1975 годзе ўладкавалася працаваць памочнікам суддзі ў шведскім судзе.

Удзельнічала ў распрацоўцы заканадаўчых праектаў як памочнік сакратара ў шведскім парламенце (1976—1981) і як эксперт у шведскай камісіі па этнічных прадузятасцяў і дыскрымінацыі (1979—1980). У 1981 годзе яна ўладкоўваецца ў юрыдычную службу Выканаўчага камітэта Упраўлення Вярхоўнага Камісара ААН па справах бежанцаў у Жэневе і да 1983 года працуе там. У 1983 годзе яе запрашаюць працаваць у галоўным офісе ААН у Нью-Ёрку і яна пераязджае туды.

Нанэ выйшла замуж за Кофі Анана ў 1984 годзе ў Нью-Ёрку. Пасля таго, як яе муж у 1997 годзе становіцца генеральным сакратаром Арганізацыі Аб’яднаных Нацый, яна паказвае сябе як паслядоўны змагар з праблемамі тысячагоддзя, такімі як: беднасць, праблема дзяцей, якія не маюць магчымасці атрымаць адукацыю, гендарная роўнасць, пашырэнне правоў і магчымасцяў жанчын.

Нанэ Анан — куратар праграмы ЮНЕСКА па Годзе Чыстай Вады (2003), змагар за чысціню навакольнага асяроддзя. Яна адна з удзельнікаў распрацоўкі плана сістэмы папярэджання цунамі.

Захапляецца мастацтвам і з’яўляецца мастачкай.

Спасылкі

• «The United Nations, Come along with me!»
• Адкрыты ліст Нанэ Анан
• Нанэ Анан змагаецца са СНІДам у Індыі Архівавана 13 сакавіка 2007.