Нартгемптанскі ўніверсітэт

Нартгемптанскі ўніверсітэт
англ.: University of Northampton
Арыгінальная назва	англ.: University of Northampton
Заснаваны	1924
Год рэарганізацыі	2005
Краіна	Вялікабрытанія
Размяшчэнне	Нартгемптан, Англія
Сайт	northampton.ac.uk
Медыяфайлы на Вікісховішчы

Нартгемптанскі ўніверсітэт (англ.: University of Northampton) — брытанская дзяржаўная вышэйшая навучальная ўстанова са статусам універсітэта з сядзібай у горадзе Нартгемптан.

Гісторыя

Нартгемптанскі тэхнічны каледж быў адкрыты на Сэнт-Джордж-авеню ў 1924 годзе. Праз восем гадоў новы будынак каледжа быў афіцыйна адкрыты герцагам і герцагіняй Ёркскім. Школа мастацтваў адкрылася пазней, у 1937 годзе.

У пачатку 1970-х гадоў Нартгемптаншыр быў адным з нямногіх графстваў Англіі, дзе не было педагагічнага каледжа. Педагагічны каледж быў адкрыты дзяржаўным сакратаром адукацыі і навукі Маргарэт Тэтчэр у 1972 годзе. У 1975 годзе гэты каледж аб'яднаўся з тэхналагічнымі і мастацкімі каледжамі. У 1978 годзе ён аб'яднаў яшчэ і каледж з Лондана. У 1993 годзе каледж уключыў школу працоўнай тэрапіі Святога Андрэя і атрымаў паўнамоцтвы па прысваенні ступені бакалаўра.

У 1999 годзе каледж стаў універсітэцкім каледжам і атрымаў поўны статус універсітэта ў 2005 годзе. Каб атрымаць статус універсітэта, ён павінен быў пераканаць Тайны савет у тым, што Каралеўскі дэкрэт, які забараняе стварэнне універсітэта ў Нартгемптане, падпісаны каралём Генрыхам III у 1265 годзе, варта адмяніць. На выпускных цырымоніях у ліпені 2006 года сем студэнтаў атрымалі першыя доктарскія ступені.

Спасылкі

• На Вікісховішчы ёсць медыяфайлы па тэме Нартгемптанскі ўніверсітэт
• Афіцыйная інтэрнэт-старонка ўстановы