Насця Рыбка

З Вікіпедыі, свабоднай энцыклапедыі
Насця Рыбка
Род дзейнасці порнаактрыса, блогер, пісьменніца, мадэль, педагог
Дата нараджэння 27 лютага 1990(1990-02-27) (34 гады)
Месца нараджэння
Грамадзянства
Альма-матар

Насця Рыбка, сапр.: Анастасія Іванаўна Вашукевіч, дзявочае прозвішча Косціна[1] (27 лютага 1990, Бабруйск) — расійская эскорт-мадэль, блогер, пісьменніца беларускага паходжання. 26 лютага 2018 года была арыштаваная ў Патаі (Тайланд) за нелегальную прадпрымальніцкую дзейнасць, у студзені 2019 года асуджаная на ўмоўны тэрмін і дэпартаваная з Тайланда ў Беларусь, пад час перасадкі арыштаваная ў Расіі ў сувязі з расследаваннем крымінальнай справы.

Біяграфія[правіць | правіць зыходнік]

Нарадзілася і скончыла школу ў Бабруйску. Паводле ўласнай кнігі, сваіх сапраўдных бацькоў ніколі не бачыла, а прыёмная маці памерла.[2] Скончыла Мазырскі педагагічны ўніверсітэт, працавала ў Бабруйску менеджэрам па продажах. Замужам за Мікалаем Вашукевічам, мае 11-гадовага сына Юрыя ад папярэдняга шлюбу. Прыкладна ў 2016 годзе з’ехала ў Маскву, дзе зблізілася з іншым ураджэнцам Беларусі — пісьменнікам і секс-коўчам Аляксандрам Кірылавым, патрапіўшы да яго ў «гарэм».[3][4][5] Пад яго кіраўніцтвам правяла некалькі эпатажных акцый: займалася сексам з першым сустрэчным на набярэжнай, пікетавала аголенай амерыканскае пасольства, прапаноўваючы «пераспаць з Харві Вайнштэйнам».[6] У 2017 годзе апублікавала кнігу «Дневник по соблазнению миллиардера, или Клон для олигарха», дзе распавяла аб сваіх блізкіх адносінах з мільярдэрам з імем Руслан.

Скандал[правіць | правіць зыходнік]

8 люты 2018 года расійскі апазіцыйны палітык Аляксей Навальны выпусціў расследаванне аб карупцыйнай дзейнасці высокапастаўленага расійскага чыноўніка Сяргея Прыходзькі  (руск.) (бел., асновай якога сталі розныя публікацыі Насці Рыбкі (відэазапісы і фатаграфіі з Instagram, вытрымкі з кнігі, аўдыёзапісы размоў на караблі). Расследаванне даказвала сувязь чыноўніка з расійскім бізнесмэнам Алегам Дзерыпаскам  (руск.) (бел.. Пра скандал напісаў шэраг заходніх СМІ: Associated Press, The Washington Post, The New York Times, The Daily Telegraph[7], The Daily Beast.[8] У красавіку 2018 года ЗША наклалі шырокія санкцыі на Дзерыпаску і ягоныя фірмы, у афіцыйным тлумачэнні якіх быў намёк на гісторыю з Сяргеем Прыходзькам.[9][10]

Крымінальны пераслед[правіць | правіць зыходнік]

26 лютага 2018 года ў складзе групы з 10 чалавек была затрымана на тэрыторыі Тайланда па абвінавачанні ў арганізацыі незаконных трэнінгаў.[11] Першапачаткова была вызваленая пад заклад[12], аднак зноў змешчана пад варту праз ануляванне візы.[13] У красавіку 2018 года апраўданая па абвінавачанні ў незаконнай працоўнай дзейнасці, аднак супраць яе высунулі новае абвінавачанне: арганізацыя злачыннай групоўкі для прадастаўлення сексуальных паслуг.[14] Першае судовае паседжанне па гэтай справе распачалося 19 ліпеня 2018 года, усе фігуранты справы адмовіліся прызнаваць віну.[15]

У студзені 2019 года разам з астатнімі абвінавачанымі прызнала віну і паводле прысуду з улікам заліку папярэдняга зняволення была накіраваная для дэпартацыі ў Беларусь.[16] Пад час перасадкі ў Маскве, у транзітнай зоне аэрапорта Шарамеццева была затрыманая па падазрэнні ва ўцягванні ў прастытуцыю. Адмовілася прызнаць віну.[17] Праваабарончы цэнтр «Мемарыял» паабяцаў разглядзець магчымасць надання Насці Рыбцы статуса палітзняволенай,[18] але раптоўна яе вызвалілі з-пад варты. Па словах прэс-сакратара Прэзідэнта Рэспублікі Беларусь Наталлі Эйсмант, Аляксандр Лукашэнка асабіста даручыў заняцца вызваленнем Анастасіі Вашукевіч.[19]

Зноскі

  1. ↑ Одноклассница скандальной Насти Рыбки: Разврат начался на Гомельщине, когда она изменила мужу на сессии в Мозыре (руск.). PROGOMEL.BY. Праверана 24.02.2019.
  2. ↑ Кто такая охотница на олигархов Настя Рыбка (руск.)(недаступная спасылка). СТРАНА.ua. Архівавана з першакрыніцы 14 лютага 2018. Праверана 24.02.2019.
  3. ↑ Белоруска из эскорт-услуг сообщила, что была в оппозиции (руск.). euroradio.fm. Праверана 24.02.2019.
  4. ↑ «Для меня теперь неважно, сколько у меня мужчин в постели». Исповедь белорусской наложницы из гарема московского секс-тренера (руск.). Наша Ніва. Праверана 24.02.2019.
  5. ↑ Муж Насти Рыбки о Бобруйске, позоре, и о том, можно ли верить жене (руск.). euroradio.fm. Праверана 24.02.2019.
  6. ↑ Золотая рыбка: что известно о бобруйской "соблазнительнице" Дерипаски (руск.). Sputnik. Праверана 24.02.2019.
  7. ↑ Расследование Навального о Дерипаске, Рыбке и вице-премьере: что на него ответили его герои? (руск.). Meduza. Праверана 24.02.2019.
  8. ↑ The Sex Worker and Putin’s Shady Billionaire Buddy Who Could Hold Keys to the Russia Investigation (англ.). Daily Beast. Праверана 24.02.2019.
  9. ↑ Новые санкции США: теперь уже огонь на поражение (руск.). DW.COM. Праверана 24.02.2019.
  10. ↑ США ввели санкции против олигархов и чиновников из РФ (руск.). DW.COM. Праверана 24.02.2019.
  11. ↑ В Таиланде задержали белорусов Алекса Лесли и Настю Рыбку за незаконное проведение секс-тренинга (руск.)(недаступная спасылка). TUT.BY. Архівавана з першакрыніцы 24 ліпеня 2018. Праверана 24.02.2019.
  12. ↑ "Нас пытаются закрыть надолго": суд выпустил под залог Алекса Лесли и Настю Рыбку, но их снова задержали (руск.)(недаступная спасылка). TUT.BY. Архівавана з першакрыніцы 11 ліпеня 2018. Праверана 24.02.2019.
  13. ↑ В полиции Таиланда заявили, что Алекс Лесли и Настя Рыбка нанесли ущерб репутации страны (руск.)(недаступная спасылка). TUT.BY. Архівавана з першакрыніцы 29 сакавіка 2018. Праверана 24.02.2019.
  14. ↑ Тайский суд частично оправдал Алекса Лесли и Настю Рыбку, но покинуть Таиланд они не могут (руск.)(недаступная спасылка). TUT.BY. Архівавана з першакрыніцы 19 ліпеня 2018. Праверана 24.02.2019.
  15. ↑ "Вину не признаю". Как в Таиланде судят Настю Рыбку (руск.)(недаступная спасылка). TUT.BY. Архівавана з першакрыніцы 24 ліпеня 2018. Праверана 24.02.2019.
  16. ↑ Лесли и Рыбка признали вину в суде в Таиланде и получили условный срок (руск.). РБК. Праверана 24.02.2019.
  17. ↑ Насця Рыбка назвала справы супраць яе сфабрыкаванымі і сказала, што заяву на яе напісала Саша Траўка (бел.). Наша Ніва. Праверана 24.02.2019.
  18. ↑ Писатель Виктор Шендерович призывает признать Настю Рыбку политзаключенной (руск.). Эхо Москвы. Праверана 24.02.2019.
  19. ↑ Настю Рыбку отпустили. Оказывается, Лукашенко давал поручение «заняться ее освобождением» (руск.)(недаступная спасылка). TUT.BY. Архівавана з першакрыніцы 24 студзеня 2019. Праверана 24.02.2019.

Узята з "https://be.wikipedia.org/w/index.php?title=Насця_Рыбка&oldid=4359332"