Нацыянальная кінапрэмія Беларусі

З пляцоўкі Вікіпедыя
Jump to navigation Jump to search
Нацыянальная кінапрэмія Беларусі
Арыгінальная назва Нацыянальная кінапрэмія Беларусі
Узнагарода за захаванне і развіццё лепшых традыцый і дасягненняў беларускага кінамастацтва
Заснавальнік Міністэрства культуры Рэспублікі Беларусь
Заснаванне 2018

Нацыяна́льная кінапрэ́мія Белару́сі — першая беларуская прэмія ў галіне кінематографа.[1] Конкурс праводзіцца ў мэтах захавання і развіцця лепшых традыцый і дасягненняў беларускага кінамастацтва, іх папулярызацыі ў Беларусі і за яе межамі; стымулявання вытворчасці фільмаў і фарміравання нацыянальнага кінарынку; выяўлення і падтрымкі таленавітых творчых работнікаў у галіне кінематаграфіі, павышэння іх прафесійнага майстэрства.

Гісторыя[правіць | правіць зыходнік]

Упершыню конкурс быў аб’яўлены 2 красавіка 2018 года ў Мінску Міністэрствам культуры. Узнагароджанне пераможцаў конкурсу адбываецца ў снежні ў ходзе святкавання Дня беларускага кіно. Арганізатарамі конкурсу з’яўляюцца Міністэрства культуры Беларусі, Мінскі гарадскі выканаўчы камітэт, Нацыянальная кінастудыя «Беларусьфільм», грамадскае аб’яднанне «Беларускі саюз кінематаграфістаў», «Беларуская гільдыя акцёраў кіно».

Правілы[правіць | правіць зыходнік]

Да ўдзелу дапускаюцца фільмы, прадзюсарамі якіх з’яўляюцца рэзідэнты Рэспублікі Беларусь, вытворчасці двух апошніх гадоў да 1 кастрычніка года, у якім прысуджаецца прэмія, а таксама іх аўтары, іншыя ўдзельнікі здымачных груп і выканаўцаў роляў у такіх фільмах. Журы складаецца з вядомых і аўтарытэтных работнікаў кінематаграфіі, выкладчыкаў ўстаноў адукацыі ў сферы культуры, кіназнаўцаў, кінакрытыкаў. Пераможцы конкурсу ў кожнай намінацыі атрымліваюць статуэтку, дыплом пераможцы і грашовую прэмію.[2] Да ўдзелу ў намінацыях «За выдатны ўклад у беларускі кінематограф» і «За выдатны ўклад беларускіх кінематаграфістаў у замежны кінематограф» дапускаюцца грамадзяне Беларусі, якія ўнеслі значны ўклад суадносна ў беларускі і ў замежны кінематограф.[3]

Намінацыі[правіць | правіць зыходнік]

  • Лепшы фільм у ігравой форме
  • Лепшы тэлесерыял у ігравой форме
  • Лепшая галоўная мужчынская роля
  • Лепшая галоўная жаночая роля
  • Лепшая жаночая роля другога плана
  • Лепшая мужчынская роля другога плана
  • Лепшы фільм у неігравой форме
  • Лепшы фільм у анімацыйнай форме
  • Лепшы кароткаметражны фільм
  • Лепшая рэжысёрская работа
  • Лепшы сцэнарый
  • Лепшая аператарская работа
  • Лепшая работа мастака-пастаноўшчыка
  • Лепшая работа мастака па касцюмах
  • Лепшая музыка да фільма
  • Лепшы мантаж фільма
  • Лепшы гукарэжысёр фільма
  • Лепшы дэбют у кіно па названых намінацыях
  • За выдатны ўклад у беларускі кінематограф
  • За выдатны ўклад беларускіх кінематаграфістаў у замежны кінематограф

Зноскі

  1. Аб'яўлены першы конкурс "Нацыянальная кінапрэмія Беларусі". Беларускае тэлеграфнае агенцтва (2 красавіка 2018). Праверана 16 красавіка 2018.
  2. Аб’яўлены першы конкурс “Нацыянальная кінапрэмія Беларусі”. Сельская праўда (10 красавіка 2018). Праверана 16 красавіка 2018.
  3. Аб'яўлены першы конкурс "Нацыянальная кінапрэмія Беларусі". Звязда (7 красавіка 2018). Праверана 16 красавіка 2018.

Спасылкі[правіць | правіць зыходнік]