Нацыянальны парк Ітатыая

Нацыянальны парк Ітатыая
парт.: Parque Nacional do Itatiaia
Катэгорыя МСАП — II (Нацыянальны парк)
Размяшчэнне	Бразілія, штаты Мінас-Жэрайс, Рыа-дэ-Жанейра
Плошча	300 км²
Дата заснавання	14 чэрвеня 1937 года
Сайт	Старонка парка
Нацыянальны парк Ітатыая

Нацыянальны парк Ітатыая (парт.: Parque Nacional do Itatiaia) — найстарэйшы нацыянальны парк Бразіліі. Заснаваны 14 чэрвеня 1937 г. на падставе Федэральнага Дэкрэта 1713, падпісанага прэзідэнтам Жэтуліу Варгасам. У цяперашні час плошча парку складае каля 300 км². Парк размешчаны ў гарыстай мясцовасці на стыку штатаў Мінас-Жэрайс і Рыа-дэ-Жанэйра, на яго тэрыторыі знаходзяцца адны з самых высокіх горных вяршыняў Бразіліі. З-за гэтага парк валодае багатай і разнастайнай флорай і фаўнай, а таксама адрозніваецца вялікай разнастайнасцю клімату.

Назва «Ітатыая» паходзіць з мовы тупі і азначае «скалы са шматлікімі кропкамі». Нацыянальны парк Ітатыая знаходзіцца ў горнай сістэме Сера-да-Мантыкейра, найвышэйшы пункт парку, Агульяс-Неграс, знаходзіцца на вышыні 2878 м над узроўнем мора. Парк адкрыты для турыстаў і падзелены на дзве тэрыторыі, верхнюю і ніжнюю. Уезд на ніжнюю тэрыторыю знаходзіцца непасрэдна каля горада Ітатыая. На ніжняй тэрыторыі знаходзіцца інфармацыйны цэнтр з музеем. Верхняя тэрыторыя не звязаная з ніжняй аўтамабільнай дарогай і даступная праз іншы ўезд. З верхняй тэрыторыі пачынаецца сцежка для ўздыму на Агульяс-Неграс.

Літаратура

• Ітатыая // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 365. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• На Вікісховішчы ёсць медыяфайлы па тэме Нацыянальны парк Ітатыая
• Афіцыйны сайт парку (парт.)