Невысакосны год

З пляцоўкі Вікіпедыя
Перайсці да навігацыі Перайсці да пошуку

Невысакосны год — каляндарны год, які складаецца з 365 дзён. У адрозненне ад высакоснага года ў невысакосным годзе няма дадатковага дня ў сонечным календары або месяцы ў месяцава-сонечным календары. Іншымі словамі, невысакосны год — гэта год без інтэркаляцыі. У грыгарыянскім календары (як і ў юліянскім календары) выкарыстоўваюцца як невысакосныя гады, так і высакосныя, каб каляндар адпавядаў трапічнаму году, які не змяшчае цэлай колькасці дзён.

У грыгарыянскім і юліянскім календарах невысакосны год з 365 дзён мае 52 тыдні і адзін дзень, таму кожны невысакосны год пачынаецца і заканчваецца ў адзін і той жа дзень тыдня (напрыклад, 1 студзеня і 31 снежня 2021 года прыпадалі на пятніцу) і год, наступны за невысакосным годам, пачнецца ў наступны дзень тыдня. У невысакосны год у лютым роўна чатыры тыдні, таму сакавік пачынаецца ў той жа дзень тыдня. Лістапад таксама пачынаецца гэтым днём тыдня.

У грыгарыянскім календары 303 з кожных 400 гадоў з’яўляюцца невысакоснымі. Для параўнання, у юліянскім календары 300 з кожных 400 гадоў з’яўляюцца невысакоснымі, а ў новаюліянскім календары (выкарыстоўваемым Грэчаскай праваслаўнай царквой) 682 з кожных 900 гадоў з’яўляюцца невысакоснымі.

Літаратура[правіць | правіць зыходнік]

  • Климишин И. А. Календарь и хронология. — Изд. 3. — М.: Наука. Гл. ред. физ.-мат. лит., 1990. — 478 с. — 105 000 экз. — ISBN 5-02-014354-5.