Нзінга Нкуву
Жуан Конга I (Жуан I Кангалезскі; парт. João I dо Congo; аўтах.: Нзінга Нкуву/ Nzinga Nkuwu або Nkuwu Nzinga) — чацвёрты (у некаторых крыніцах пяты) па ліку кіраўнік сярэднявечнага Каралеўства Конга, які кіраваў паміж 1470—1509 гадамі.
Менавіта ён стаў першым афіцыйна хрысціянскім манархам Экватарыяльнай Афрыкі. Кароль Конга устанавіў першыя кантакты з партугальскімі маракамі пад камандаваннем Дыёгу Кана. Партугальцы прадавалі афрыканцам агнястрэльную зброю, прамысловыя тавары, а ў абмен атрымлівалі рабоў і слановую косць.
3 мая 1491 года Нзінга Нкуву, яго сям'я і світа прынялі каталіцтва. Нзінга Нукуву атрымаў імя Жуан, яго жонка — Элеанора, а сын — Афонсу. Гэта імёны партугальскага караля, яго жонкі і сына.
