Новы драматычны тэатр (Мінск)

Новы драматычны тэатр
Заснаваны	1987
Будынак тэатра
Месцазнаходжанне	вул. Лізы Чайкінай д. 16, Мінск, Беларусь
Дырэктар	Васіль Марэцкі
Галоўны рэжысёр	Андрэй Гузій
Сайт	newtheatre.by (бел.)

Дзіцячая тэатральная школа

Новы драматычны тэатр — беларускі драматычны тэатр.

Гісторыя

Створаны ў 1987 годзе ў Мінску як тэатр-студыя “Дзе-Я?” на чале з рэжысёрам Міколам Труханам. У 1992 годзе атрымаў статус гарадскога тэатра. Станаўленне тэатра «Дзе-Я?» у асноўным звязана са зваротам да беларускай драматургічнай спадчыны. Рэпертуар складалі творы беларускіх пісьменнікаў, арыгінальныя п'есы, створаныя ў тэатры, а таксама лепшыя творы сусветнай літаратуры. Усе спектаклі ішлі па-беларуску.

У 1999 годзе М.Трухан памёр, пасля чаго адбылася змена агульнай канцэпцыі. У 2004 годзе тэатр быў перайменаваны ў Новы драматычны. Цяпер спектаклі ідуць на дзвюх мовах, прычым пераважае руская. З 2007 года галоўным рэжысёрам тэатра з’яўляецца Дзяніс Нупрэйчык. Некалькі гадоў у будынку працягваўся капітальны рамонт, які завяршыўся ў 2009 годзе.

З 2003 года пры тэатры дзейнічае адзіная ў Беларусі Дзіцячая тэатральная школа.

Падзеі 2020 года

Асноўны артыкул: Пратэсты ў Беларусі (2020)

27 кастрычніка 2020 года 12 чалавек (9 акцёраў і 3 супрацоўнікі) тэатра падпісалі ліст пра далучэнне да агульнанацыянальнага страйку. Акцёры, якія падпісалі ліст, адмовіліся выйсці на сцэну ў спектаклі «Бонусны сеанс псіхааналізу».

Кіраўніцтва

• Мікола Трухан – мастацкі кіраўнік (1992-1999)
• Дзяніс Нупрэйчык – галоўны рэжысёр (2007-2013)
• Андрэй Гузій (з 2013)

Гл. таксама

• Тэатры Мінска

Спасылкі

• Яшчэ адзін мінскі тэатр пад пагрозай знішчэння? // nashaniva.by 27 кастрычніка 2020
• Блог Новага драматычнага тэатра(недаступная спасылка)