Нові-Град

Город
Нові-Град
басн.: Bosanski Novi, сербск.: Нови Град / Novi Grad, харв.: Bosanski Novi
Сцяг
45°02′47″ пн. ш. 16°22′40″ у. д.
Краіна	Боснія і Герцагавіна
Этнітэт	[[Рэспубліка Сербская]]
Гісторыя і геаграфія
Заснаваны	1280
Вышыня цэнтра	216 м
Часавы пояс	UTC+1
Насельніцтва
Насельніцтва	10 120 чал. (2013)
Лічбавыя ідэнтыфікатары
Паштовы індэкс	79 220
opstina-novigrad.com
Паказаць/схаваць карты
Нові-Град
Медыяфайлы на Вікісховішчы

Нові-Град (басн.: Bosanski Novi, сербск.: Нови Град / Novi Grad, харв.: Bosanski Novi) — горад у паўночнай частцы Босніі і Герцагавіны. Адміністрацыйны цэнтр аднайменнай абшчыны. Уваходзіць у рэгіён Прыедар Рэспублікі Сербскай. Горад размешчаны на рацэ Уна, на мяжы з Харватыяй насупраць харвацкага горада Двор. У горадзе ёсць пошта, бальніца, пачатковыя і сярэднія школы, крамы, культурныя цэнтры і т. п.

Назва

Да Баснійскай вайны горад меў назву Босанскі-Нові. Затым урадамі Рэспублікі Сербскай уведзены Нові-Град ці проста Нові (затым часова адменена судом БіГ) і зноў зацверджана назва Нові-Град.

Геаграфія

Чыгуначны вакзал

Абшчына Нові-Град размешчана на паўночным захадзе Босніі і Герцагавіны паміж рэкамі Сана і Уна. Плошча — 470 км². Клімат умераны кантынентальны.

Гісторыя

Горад Нові-Град упершыню згадваецца ў 1280 годзе пад рымскай назвай Castrum Novum, што ў перакладзе азначае «новы горад». У 1895 годзе Аўстра-Венгерскія кіраўнікі перайменавалі горад у Босанскі-Нові. Былі драўляныя масты цераз рэкі Уна і Сана. Мясцовыя жыхары асцерагаліся паводак вясной і восенню. У 1872 годзе абшчына Босанскі-Нові стала першай у баснійскай краіне, якая мела чыгуначную станцыю. Першая бальніца пабудавана прыкладна ў гэты ж час.

Насельніцтва

1991 год

Горад:

• баснійцы — 6,831 (50,27 %);
• сербы — 5,121 (37,68 %);
• югаславы — 1,117 (8,22 %);
• харваты — 187 (1,37 %);
• іншыя — 332 (2,46 %).

Усяго: 13,588 чал.

2006 год

У 2006 годзе большасць насельніцтва абшчыны складалі этнічныя сербы.

2013 год

Колькасць насельніцтва горада па перапісу 2013 года склала 11 063 чалавек, абшчыны — 28 799 чалавек.