Нямецкая айчынная партыя

Нямецкая айчынная партыя
ням.: Deutsche Vaterlandspartei
Лідар	Альфрэд фон Тырпіц
Заснавальнік	Вольфганг Капп
Дата заснавання	2 верасня 1917 года
Дата роспуску	10 снежня 1918 года
Штаб-кватэра	Берлін
Краіна	Германская імперыя
Ідэалогія	манархізм, мілітарызм, нацыяналізм
Медыяфайлы на Вікісховішчы

Нямецкая айчынная партыя (ням.: Deutsche Vaterlandspartei)- нацыяналістычная партыя ў Германіі. Была заснавана 2 верасня 1917 года (у гадавіну седанской перамогі) Вольфгангам Каппам і Альфрэдам фон Тырпіцам. Мэтай партыі было выклікаць у германскім народзе нацыянальны рух, сарваць заключэнне міру, працягваць анексіянісцкую знешнюю палітыку. Падтрымлівала палітыку Паўля фон Гіндэнбурга і Людендорфа. Атрымлівала фінансавую падтрымку ад Вярхоўнага камандавання германскай арміі. У ліпені 1918 года на піку папулярнасці, ў партыі складалася 1 250 000 членаў, але да верасня колькасць членаў скарацілася да 800 000. З-за няўдач на фронце папулярнасць партыі імкліва падала; паводле паліцэйскіх рапартаў, пераважная большасць удзельнікаў партыйных дэманстрацый прыходзілі не падтрымліваць партыю, а пратэставаць супраць яе. Неўзабаве пасля Лістападаўскай рэвалюцыі 1918 года, праіснаваўшы ўсяго 14 месяцаў, партыя была распушчаная.

У 1920 годзе былое кіраўніцтва партыі паспрабавала зрабіць путч. А Антон Дрэкслер, радавы член партыі, у 1919 годзе заснаваў Нямецкую рабочую партыю (ням.: Deutsche Arbeiterpartei) — папярэдніцу НСДАП.

Гл. таксама

• Капаўскі путч

Спасылкі

• www.firstworldwar.com Архіўная копія ад 7 лістапада 2017 на Wayback Machine
• This Day in History 1917: Fatherland Party formally launched in Germany
• Пракламацыя заснавання партыі Архіўная копія ад 20 снежня 2007 на Wayback Machine і англійскі пераклад