Перайсці да зместу

Нямецкі ўніверсітэт адміністрацыйных навук у Шпаеры

З Вікіпедыі, свабоднай энцыклапедыі
Нямецкі ўніверсітэт адміністрацыйных навук у Шпаеры
ням.: Deutsche Universität für Verwaltungswissenschaften Speyer
Выява лагатыпа
Арыгінальная назва ням.: Deutsche Universität für Verwaltungswissenschaften Speyer
Міжнародная назва англ.: German University of Administrative Sciences Speyer
Заснаваны 1947
Студэнты 371[1][2], 553[2], 543[2], 499[2], 527[2], 544[2], 582[2], 512[2], 441[2], 401[2], 369[2], 365[2], 329[2], 377[2], 307[2], 336[2], 355[2], 402[2], 430[2], 343[2], 353[2], 279[2] і 295[2]
Краіна
Размяшчэнне Шпаер
Сайт uni-speyer.de
Лагатып Вікісховішча Медыяфайлы на Вікісховішчы

Нямецкі ўніверсітэт адміністрацыйных навук у Шпаеры (ням.: Deutsche Universität für Verwaltungswissenschaften Speyer) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Шпаер.

Агульная характарыстыка

[правіць | правіць зыходнік]

Універсітэт быў заснаваны ў 1947 годзе французскімі акупацыйнымі ўладамі як Дзяржаўная акадэмія адміністрацыйных навук. У 1950 годзе закон, прыняты ўрадам федэральнай зямлі Рэйнланд-Пфальц, пацвердзіў яго статус як дзяржаўнай самакіруемай ВНУ. У выніку спецыяльнага пагаднення ў 1952 годзе ўрад ФРГ і ўрады федэральных земляў узялі на сябе сумесную адказнасць за ўніверсітэт. Пасля аб’яднання Германіі да гэтага пагаднення далучыліся таксама землі Брандэнбург, Мекленбург-Пярэдняя Памеранія, Саксонія, Саксонія-Ангальт і Цюрынгія. У снежні 1997 года ўніверсітэт атрымаў сваю цяперашнюю назву.

Праца ўніверсітэта ахоплівае тры шырокія напрамкі дзейнасці ў галіне адміністрацыйных навук: паслядыпломную адукацыю, навучанне без адрыву ад працы і навуковыя даследаванні. Гэта ўключае ў сябе падрыхтоўку будучых старшых дзяржаўных служачых (аднагадовы курс або магістарскія праграмы), навучанне без адрыву ад працы для старшых дзяржаўных служачых і даследаванні прававых, эканамічных і сацыяльных праблем міжнароднага, нацыянальнага і мясцовага кіравання і самакіравання. Універсітэт ўпаўнаважаны прысуджаць доктарскія ступені і прадастаўляць правы на прафесарскую пасаду.

ВА ўстанове існуе 18 кафедраў, якія ахопліваюць публічнае права, адміністрацыйныя навукі і эканоміку, а таксама сучасную і найноўшую гісторыю, сацыялогію і паліталогію. Акрамя таго, старшыя дзяржаўныя служачыя, суддзі і кіраўнікі прадпрыемстваў, якія чытаюць лекцыі няпоўны працоўны дзень, выкладаюць прыкладное адміністраванне. Гэтая цесная сувязь паміж тэарэтычнай навукай аб кіраванні і яе практычным прымяненнем не толькі апынулася надзвычай карыснай для выкладання, але і паслужыла стымулам для шматлікіх даследчых праектаў.

Зноскі

  1. ↑ https://www.destatis.de/DE/Publikationen/Thematisch/BildungForschungKultur/Hochschulen/StudierendeHochschulenEndg2110410157004.pdf?__blob=publicationFile
  2. ↑ а б в г д е ё ж з і к л м н о п р с т у ф х ц Statistisches Bundesamt Deutschland - GENESIS-Online Праверана 8 чэрвеня 2023.
  3. ↑ archINFORM — 1994. Праверана 30 ліпеня 2018.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Нямецкі_ўніверсітэт_адміністрацыйных_навук_у_Шпаеры&oldid=4442047"